ఏషియన్‌ ఫిలిమ్స్‌ నారాయణ దాస్‌ నారంగ్‌ సమర్పణలో ఒక పీరియడ్‌ ఫిల్మ్ రూపొందు తోంది. రవి పనస ఫిలిం కార్పొరేషన్‌ బ్యానర్‌ పై ప్రొడక్షన్‌ నెం.గా తెరకెక్కుతున్న ఈ చిత్రాన్ని ప్రముఖ వ్యాపారవేత్త రవికుమార్‌ పనస అత్యున్నత సాంకేతిక విలువలతో నిర్మిస్తున్నారు. 'మసూద'లాంటి సూపర్‌ హిట్‌ చిత్రంతో తెలుగు ప్రేక్షకులకు హీరోగా దగ్గరైన తిరువీర్‌ ఈ చిత్రంలో కథానాయకుడిగా నటిస్తున్నారు. విభిన్న కథాంశంతో నూతన దర్శకుడు జి.జి దర్శకత్వంలో రూపొందుతున్న ఈ చిత్రానికి సంబంధించిన ప్రీ ప్రొడక్షన్‌ పనులు ప్రారంభమయ్యాయి.'ఎక్కడా రాజీ పడిన నిర్మాణ విలువలతో, మునుపెన్నడూ చూడని కథాంశంతో, ప్రతిభావంతులైన నటులతో, దర్శకుడితో నిర్మితమవుతున్న ఈ చిత్రం ప్రేక్షకులని అలరిస్తుంది. ఏషియన్‌ ఫిలింస్‌ సమర్పణలో ఈ సినిమాని తీస్తుండడం మరింత సంతోషంగా ఉంది. ఇదొక పీరియడ్‌ యాక్షన్‌ డ్రామా జోనర్‌లో ఉంటుంది' అని నిర్మాత రవికుమార్‌ పనస చెప్పారు.
