రచయిత డైమండ్‌ రత్నబాబు దర్శకత్వంలో రూపొందుతున్న హిలేరియస్‌ ఎంటర్‌టైనర్‌ 'అన్‌ స్టాపబుల్‌'. 'అన్‌ లిమిటెడ్‌ ఫన్' అనేది ఉపశీర్షిక. విజె సన్నీ, సప్తగిరి హీరోలుగా నటిస్తున్న ఈ చిత్రంలో నక్షత్ర, అక్సాఖాన్‌ హీరోయిన్లు.
ఎ2 బి ఇండియా ప్రొడక్షన్‌లో రజిత్‌ రావు ఈ చిత్రాన్ని నిర్మిస్తున్నారు. తాజాగా ఈ చిత్రం నుంచి 'బేబీ బేబీ..' సాంగ్‌ని విడుదల చేశారు. ఈ స్పెషల్‌ సాంగ్‌ని 'ధమాకా' సంగీత దర్శకుడు భీóమ్స్‌ సిసిరోలియో ఫుల్‌ మాస్‌ ఎనర్జీతో కంపోజ్‌ చేశారు. కాసర్ల శ్యామ్‌ మాస్‌ని ఆకట్టుకునే లిరిక్స్‌ అందించగా, 'పుష్ప' ఫేం ఇంద్రావతి చౌహాన్‌ ఈ పాటని హుషారుగా ఆలపించారు. విజె సన్నీ మాట్లాడుతూ,'ఈ సినిమా ప్రతి సెకన్‌ చిన్న పిల్లల నుంచి పెద్దోళ్ళ వరకూ అందరూ ఎంజారు చేసేలా ఉంటుంది' అని అన్నారు. ''బుల్‌ బుల్‌..' అన్‌ స్టాపబుల్‌ పాట ఎంత సూపర్‌ హిట్‌ అయ్యిందో 'బేబీ...' పాట కుడా అంతకంటే పెద్ద హిట్‌ అవుతుంది. ప్రేక్షకులని అన్‌ స్టాపబుల్‌గా కిందపడి నవ్వించే భాద్యత మాది' అని సప్తగిరి చెప్పారు. నిర్మాత రజిత్‌ రావు మాట్లాడుతూ, 'ఇది చిన్న సినిమా కాదు అన్నీ ఉన్న సినిమా. అత్యున్నత సాంకేతికతని వాడాం. ఖచ్చితంగా ప్రేక్షకులకు మంచి అనుభూతిని ఇచిస్తుంది. కుటుంబం అంతా కలిసి ఆనందంగా చూసే సినిమా ఇది' అని అన్నారు.'ఇప్పటి వరకు నన్ను డైమండ్‌ రత్నబాబు అని పిలిచారు. ఈ సినిమా తర్వాత 'అన్‌ స్టాపబుల్‌' డైరెక్టర్‌ డైమాండ్‌ రత్నబాబు అని పిలుస్తారని ఆశిస్తున్నాను' అని తెలిపారు.
