అల్లు అరవింద్‌ గీతా ఫిల్మ్ డిస్ట్రిబ్యూషన్‌ ద్వారా తమిళ చిత్రం 'విడుతలై పార్ట్‌ 1' తెలుగు వెర్షన్‌ 'విడుదల పార్ట్‌ 1'గా ఈనెల 15న విడుదలకు సిద్ధంగా ఉంది. ఇందులో భాగంగా మీడియా ప్రతినిధులకు
ఈ చిత్రాన్ని ప్రదర్శించారు.
నిర్మాత ఎల్రెడ్‌ కుమార్‌ మాట్లాడుతూ,'ఈ సినిమా కంప్లీట్‌గా కాన్సెప్ట్‌ మీద డిపెండ్‌ అయి ఉంటుంది. తమిళ్‌లో అరవింద్‌ చూసి అప్రిషియేట్‌ చేసి, సినిమాని తెలుగు ప్రేక్షకులకు అందిస్తున్నందుకు ధన్యవాదాలు. ఇంత అద్భుతమైన సినిమాని వెట్రిమారన్‌ నాకు ఇచ్చినందుకు కతజ్ఞతలు' అని తెలిపారు. 'నేను తీసే సినిమాలు ఎప్పుడు రూటెడ్‌గానే ఉంటాయి. ఈ సినిమా తెలుగులో రిలీజ్‌ అవుతుంది అనుకోలేదు. ఈ సినిమాను తెలుగులో అల్లు అరవింద్‌ రిలీజ్‌ చేయడానికి ఒప్పుకున్నందుకు థ్యాంక్యూ. నిర్మాత ఎల్రెడ్‌ కుమార్‌ ఎక్కడ కాంప్రమైజ్‌ కాలేదు. ఇళయరాజా మంచి ట్యూన్స్‌ అందించారు. ఈ సినిమాను మీరు ఆదరిస్తారని ఆశిస్తున్నాను' అని దర్శకుడు వెట్రిమారన్‌ అన్నారు.
నిర్మాత అల్లు అరవింద్‌ మాట్లాడుతూ,'ఈ సినిమా చూసిన తర్వాత క్లైమాక్స్‌లో ఎమోషన్‌కి కనెక్ట్‌ అయి లేచి చప్పట్లు కొట్టేసాను. వెట్రిమారన్‌ అంటే నాకు ఇష్టం. ఆయన సినిమాలు అన్ని చూస్తాను. ఆయన సినిమాలే కాకుండా ఆయన ఇన్వాల్‌ అయ్యే సినిమాలు కూడా చూస్తాను. ఇది చాలా గొప్ప సినిమా. మన రూట్స్‌ నుంచి సినిమా తీస్తే అది ఆడియన్స్‌ ఎంజారు చేస్తున్నారు. ఒక వరల్డ్‌ క్రియేట్‌ చేసి ఆడియన్స్‌ను ఆ వరల్డ్‌లోకి తీసుకెళ్తే ఆ సినిమాలు సక్సెస్‌ అవుతాయి. ఈ సినిమాలో కూడా అలాంటి వరల్డ్‌ను క్రియేట్‌ చేసి ఆసక్తిని పెంచాడు వెట్రిమారన్‌. ' అని చెప్పారు.
ఎన్టీఆర్‌తో సినిమా
చాలా కాలంగా ఎన్టీఆర్‌తో సినిమా చేస్తారనే వార్తలకు దర్శకుడు వెట్రిమారన్‌ స్పందించారు. లాక్‌డౌన్‌ తర్వాత ఎన్టీఆర్‌తో కలిసి చాలా విషయాలను చర్చించాను. ఆయనతో సినిమా చేసే ఛాన్స్ ఉంది. అయితే దానికి చాలా సమయం పట్టే అవకాశం. అలాగే అది మల్టీస్టారరా కాదా అనేది కూడా అప్పుడే తెలుస్తుందన్నారు.
