అవుట్‌ స్టాండింగ్‌ సినిమా ప్రొడక్షన్స్‌ పతాకంపై శ్రీకాంత్‌ చౌటపల్లి, పవిత్ర నారాయణ్‌ హీరో, హీరోయిన్‌గా నటించిన చిత్రం '10 రూపీస్‌'. వంశీకష్ణ కన్నెగంటి సహ నిర్మాతగా ఆఫ్జాల్‌ దర్శకత్వంలో తెరకెక్కిన ఈ చిత్రం ఈనెల 21న విడుదలకు సిద్ధంగా ఉంది. ఈ సందర్భంగా చిత్ర బృందం నిర్వహించిన ప్రీ రిలీజ్‌ వేడుకలో దర్శకుడు ఆఫ్జెల్‌ మాట్లాడుతూ, 'సినిమా చాలా బాగా వచ్చింది. ఈనెల 21న విడుదల అవుతుంది. సినిమా నచ్చితే 10 మందికి బాగుంది అని చెప్పండి. మా హీరో శ్రీకాంత్‌ చాలా అంకిత భావంతో పని చేసాడు. హీరోయిన్‌ పవిత్ర నారాయణ అద్భుతంగా నటించింది. మా చిత్రంలో పాటలు లేవు. 2 గంటల చిత్రానికి అద్భుతమైన బ్యాక్‌గ్రౌండ్‌ స్కోర్‌ ఇచ్చారు మ్యూజిక్‌ డైరెక్టర్‌ వంశీకాంత్‌ రేఖానా. టీజర్‌, ట్రైలర్‌కి అద్భుతమైన స్పందన వచ్చింది. డిస్ట్రిబ్యూటర్‌ గణేష్‌ మా సినిమాని చూసి నైజాం అంతటా రిలీజ్‌ చేస్తున్నారు. నాకు తల్లాడ సాయికష్ణ తన వంతుగా సహాయం అందిస్తున్నారు' అని తెలిపారు. 'ఈ సినిమాకి అందరం ప్రాణం పెట్టి పని చేశాం. సినిమా అందరికీ నచ్చుతుందని ఆశిస్తున్నాం. ఈ సినిమా తర్వాత నాకు మరిన్ని అవకాశాలు వస్తాయని ఆశిస్తున్నాను' అని హీరో శ్రీకాంత్‌ చౌటపల్లి అన్నారు. కో ప్రొడ్యూసర్‌ వంశి కష్ణ కన్నెగంటి మాట్లాడుతూ, 'దర్శకుడు ఆఫ్జాల్‌ అద్భుతంగా తెరకెక్కించాడు. ఈ చిత్రంలో చివరి 45 నిమిషాలు వేరే లెవెల్‌లో ఉంటుంది' అని అన్నారు.