గోపీచంద్‌, దర్శకుడు శ్రీవాస్‌ కాంబినేషన్‌లో వస్తున్న మూడో చిత్రం 'రామబాణం'. పీపుల్‌ మీడియా ఫ్యాక్టరీ పతాకంపై టీజీ విశ్వ ప్రసాద్‌ ఈ చిత్రాన్ని అత్యంత భారీ బడ్జెట్‌తో రూపొందిస్తున్నారు. వివేక్‌ కూచిభొట్ల సహ నిర్మాత. యాక్షన్‌ అంశాలతో కూడిన ఫ్యామిలీ ఎంటర్‌టైనర్‌గా రూపొందుతున్న 'రామబాణం' గ్లింప్స్‌, ఫస్ట్‌ సింగిల్‌ 'ఐఫోన్‌ సాంగ్‌'కి ట్రెమండస్‌ రెస్పాన్స్‌ వచ్చింది. తాజాగా ఈ చిత్రం నుంచి సెకండ్‌ సింగిల్‌ 'దరువెయ్యరా..' పాటని ఈనెల 14న కర్నూల్‌ అవుట్‌ డోర్‌ స్టేడియంలో జరిగే గ్రాండ్‌ ఈవెంట్‌లో లాంచ్‌ చేయనున్నట్లు మేకర్స్‌ అనౌన్స్‌ చేశారు. గోపిచంద్‌, డింపుల్‌ హయాతీ పండగ వాతావరణంలో సంప్రదాయ దుస్తులలో గ్రేస్‌ఫుల్‌గా డ్యాన్స్‌ చేస్తున్న పోస్టర్‌ అందర్నీ ఆకట్టుకుంటోంది. సమ్మర్‌ కానుకగా మే 5న ఈ సినిమా ప్రపంచ వ్యాప్తంగా ప్రేక్షకుల ముందుకు రానుంది. జగపతిబాబు, ఖుష్బు ముఖ్య తారాగణంగా నటిస్తున్న ఈ చిత్రంలో సచిన్‌ ఖేడేకర్‌, నాజర్‌, అలీ, రాజా రవీంద్ర, వెన్నెల కిషోర్‌, సప్తగిరి, కాశీ విశ్వనాథ్‌, సత్య, గెటప్‌ శ్రీను, సమీర్‌, తరుణ్‌ అరోరా తదితరులు ఇతర పాత్రల్లో కనిపించనున్నారు. ఈ చిత్రానికి సంగీతం: మిక్కీ జె మేయర్‌, డీవోపీ: వెట్రి పళనిసామి, ఎడిటర్‌: ప్రవీణ్‌ పూడి,
కథ: భూపతి రాజా.
