దర్శకుడు కె దశరథ్‌ అందిస్తున్న కథతో తెరకెక్కుతున్న చిత్రం 'లవ్‌ యూ రామ్‌'. ఈ చిత్రానికి డివై చౌదరి దర్శకత్వం వహిస్తున్నారు. డివై చౌదరి, కె దశరథ్‌ కలిసి మన ఎంటర్‌టైన్‌మెంట్స్‌, శ్రీ చక్ర ఫిలింస్‌ బ్యానర్‌లపై ఈ చిత్రాన్ని నిర్మిస్తున్నారు. రోహిత్‌ బెహల్‌, అపర్ణ జనార్దనన్‌ జంటగా నటిస్తున్నారు.
ఇప్పటికే విడుదలైన ఫస్ట్‌ లుక్‌, టీజర్‌ వీడియోతో పాటు 'ఉండా లని ఉందీ నీతో' పాటకు అద్భుతమైన రెస్పాన్స్‌ వచ్చింది. తాజాగా ఈ చిత్రం నుంచి 'తు మేరా' పాటని విడుదల చేశారు. కె వేద ఈ పాటని బుట్యీఫుల్‌ మెలోడీగా కంపోజ్‌ చేయగా, లిప్సిక మరింత అందంగా అలపించారు. సరస్వతి కార్తీక అందించిన సాహిత్యం కథానాయికల మనసులోని ఫీలింగ్స్‌ని లవ్లీగా ప్రజంట్‌ చేసింది. రోహిత్‌ బెహల్‌, అపర్ణ జనార్దనన్‌ల కెమిస్ట్రీ చూడముచ్చటగా ఉంది. ఈ చిత్రానికి సుధాకర్‌ బొర్రా (టేనస్సీ), డి నాగేశ్వర్‌రావు సహ నిర్మాతలుగా వ్యవహరిస్తున్నారు.
