జీఏ2 పిక్చర్స్‌ బ్యానర్‌ పై తెరకెక్కుతున్న కొత్త సినిమా 'అంబాజీపేట మ్యారేజ్‌ బ్యాండు'. బన్నీ వాసు, దర్శకుడు వెంకటేష్‌ మహా ఈ సినిమాను ప్రెజెంట్‌ చేస్తున్నారు. 'భలే భలే మగాడివోరు, గీత గోవిందం, టాక్సీవాలా, ప్రతిరోజూ పండగే, మోస్ట్‌ ఎలిజిబుల్‌ బ్యాచ్‌లర్‌, 18 పేజెస్‌' లాంటి అద్భుతమైన చిత్రాల తర్వాత జీఏ 2 పిక్చర్స్‌ బ్యానర్లో వస్తున్న సినిమా ఇది. సుహాస్‌ హీరోగా చేస్తున్న ఈ మూవీ షూటింగ్‌ పనులను ముగించుకుని ప్రేక్షకుల ముందుకు వచ్చేందుకు సిద్ధం అవుతుంది. జీఏ2 పిక్చర్స్‌, ధీరజ్‌ మోగిలినేని ఎంటర్టైన్మెంట్స్‌, వెంకటేశ్‌ మహా నిర్మాణంలో దుశ్యంత్‌ కటికనేనిని దర్శకుడిగా పరిచయం చేస్తూ, ధీరజ్‌ మొగిలినేని ఈ సినిమాను నిర్మించారు. మ్యారేజ్‌ బ్యాండ్‌లో పనిచేసే మల్లి అనే కుర్రాడిగా సుహాస్‌ ఈ సినిమాలో నటిస్తున్నాడు. తాజాగా చిత్ర యూనిట్‌ ఫస్ట్‌ లుక్‌ పోస్టర్‌ను రిలీజ్‌ చేశారు.రిలీజ్‌ చేసిన పోస్టర్‌లో మల్లికార్జున సెలూన్‌ షాప్‌ను చూపిస్తూ, సెలూన్‌ షాప్‌ ముందు 'అంబాజీపేట మ్యారేజ్‌ బ్యాండు' మెంబర్స్‌ను రివీల్‌ చేసారు. సుహాస్‌తో పాటు గోపరాజు రమణ, పుష్ప ఫేమ్‌ జగదీశ్‌ డప్పులు, సన్నాయితో పాటు పలురకమైన మంగళవాయిద్యాలతో ఈ పోస్టర్‌లో కనిపిస్తున్నారు. సినిమాకి సంబంధించిన మరిన్ని అప్డేట్స్‌ను త్వరలో అధికారికంగా ప్రకటించనుంది చిత్ర బందం.ఈ చిత్రానికి దర్శకుడు: దుష్యంత్‌ కటికనేని, డివోపి : వాజిద్‌ బేగ్‌, సంగీతం: శేఖర్‌ చంద్ర, ఎడిటర్‌: కోదాటి పవన్‌ కళ్యాణ్‌, కళ: ఆశిష్‌ తేజ పుల్లల్లా.
