'రైటర్‌ పద్మభూషణ్‌' విజయం తర్వాత లహరి ఫిల్మ్స్‌, చారు బిస్కెట్‌ ఫిల్మ్స్‌ కలిసి చేస్తున్న మరో ఆసక్తికరమైన ప్రాజెక్ట్‌ 'మేమ్‌ ఫేమస్‌'. సుమంత్‌ ప్రభాస్‌ ప్రధాన పాత్ర పోషించడంతో పాటు దర్శకత్వం వహిస్తున్నారు. మణి ఏగుర్ల, మౌర్య చౌదరి, సార్య , సిరి రాసి ఇతర కీలక పాత్రలు పోషిస్తున్నారు. అనురాగ్‌ రెడ్డి, శరత్‌, చంద్రు మనోహరన్‌ కలిసి ఈ చిత్రాన్ని నిర్మిస్తున్నారు. ఈ చిత్ర బృందం నేటి (శుక్రవారం) నుంచి మ్యూజికల్‌ జర్నీ ప్రారంభించనుంది. ఇందులో భాగంగా ఈ సినిమా నుంచి ఫస్ట్‌ సింగిల్‌ని విడుదల చేయనున్నారు. రైటర్‌ పద్మభూషణ్‌కి అద్భుతమైన బ్యాక్‌గ్రౌండ్‌ స్కోర్‌ అందించిన కళ్యాణ్‌ నాయక్‌ ఈ సినిమా కోసం 9 పాటలను కంపోజ్‌ చేశారు.
కాలభైరవ, రాహుల్‌ సిప్లిగంజ్‌ ఒక్కో పాటను పాడగా, గాయని మంగ్లీ మరో పాటని ఆలపించారు. మిగిలిన పాటలను ప్రముఖ సింగర్స్‌ పాడారు. ఫేమస్‌ సింగర్స్‌ పాడిన మేమ్‌ ఫేమస్‌ ఆల్బమ్‌ చార్ట్‌బస్టర్‌గా మారబోతోంది. ఈ చిత్రం ఫస్ట్‌ సింగిల్‌ 'అయ్యయ్యో..' పాటని నేడు విడుదల చేస్తున్నట్లు అనౌన్స్‌ చేశారు మేకర్స్‌.
