టాప్‌ హీరోయిన్‌ స్టేటస్‌ను ఎంజాయ్‌ చేస్తున్న రష్మిక మందన తాజాగా మరో అరుదైన గౌరవాన్ని సొంతం చేసుకుంది. సోషల్‌ మీడియాలో ఎప్పుడూ చురుగ్గా ఉండే రష్మిక ఐఎండీఏ ర్యాంకుల్లో చాలా మంది పాపులర్‌ సెలబ్రిటీలను వెనక్కి నెట్టి టాప్‌ 3 లో నిలిచి సరికొత్త రికార్డ్‌ క్రియేట్‌ చేసింది. సినిమాలను విశ్లేషించి ర్యాంకులు ఇచ్చే ఐఎండీబీలో ఈ వారం కొత్తగా చేరిన సెలబిట్రీల జాబితాని విడుదల చేసింది. ఈ వారంలో వరల్డ్‌వైడ్‌గా అత్యధికంగా మాట్లాడుకునేలా చేసిన సెలబ్రిటీల్లో రష్మిక మూడవ స్థానంలో నిలవగా, అల్లు అర్జున్‌ 17వ స్థానంతో సరిపెట్టుకోవడం గమనార్హం. మృణాల్‌ ఠాకూర్‌ (31), తమన్నా (33), కరీనా కపూర్‌ (34), నాని (49), కీర్తిసురేష్‌ (50) స్థానాల్లో ఉన్నారు. తమిళ దర్శకుడు వెట్రిమారన్‌ 11వ స్థానంలో ఉండటం అందర్నీ సర్‌ప్రైజ్‌ చేసింది. రష్మిక ప్రస్తుతం 'పుష్ప2', నితిన్‌తో ఓ సినిమా, హిందీలో 'యానిమల్‌', తెలుగు, తమిళంలో 'రెయిన్‌బో' సినిమాలు చేస్తూ బిజీగా ఉంది.