అఖిల్‌ అక్కినేని, సురేందర్‌ రెడ్డి క్రేజీ పాన్‌ ఇండియా ప్రాజెక్ట్‌ 'ఏజెంట్‌'. ఈనెల 28న ప్రపంచవ్యాప్తంగా గ్రాండ్‌ రిలీజ్‌కు సిద్ధంగా ఉంది. ఇందులో భాగంగా ఈనెల 18న ట్రైలర్‌ను కాకినాడలో జరిగే భారీ ఈవెంట్‌లో రిలీజ్‌ చేసేందుకు చిత్ర బృందం సన్నాహాలు చేస్తోంది. ఈ సందర్భంగా ఏర్పాటు చేసిన మీడియా సమావేశంలో హీరో అఖిల్‌ మాట్లాడుతూ, ''ఏజెంట్‌' మోస్ట్‌ మెమరబుల్‌ జర్నీ. మెంటల్‌గా, ఫిజికల్‌గా నా జీవితాన్ని మార్చిన చిత్రమిది. ఇందులో నేను కొత్తగా కనిపిస్తున్నానంటే కారణం సురేందర్‌ రెడ్డి. మమ్ముట్టి నా స్ఫూర్తి. ఆయనతో స్క్రీన్‌ పంచుకోవడం గౌరవంగా భావిస్తున్నాను. నా క్యారెక్టర్‌ వైల్డ్‌గా ఉంటుంది. 'ఏజెంట్‌' హై ఆక్టేన్‌ రోలర్‌ కోస్టర్‌ రైడ్‌.. థియేటర్‌లో హై మాములుగా ఉండదు. ఈ క్రేజీ నెస్‌కి ప్రేక్షకులు కనెక్ట్‌ అవుతారు. ఇలాంటి సినిమాని అనిల్‌ లాంటి నిర్మాతలే చేయగలుతారు. 'ఏజెంట్‌' తో ప్రేక్షకులకు బ్లాక్‌ బస్టర్‌ మూవీ ఇస్తున్నామని ఆయన మొదటి రోజు నుంచి చెప్పారు' అని తెలిపారు. 'అనిల్‌ సుంకర లేకపోతే ఈ సినిమా జరిగేది కాదు. ఇందులో మరో హైలెట్‌ మమ్ముటి. డినో కూడా చాలా కొత్తగా ఉంటారు. సాక్షి చాలా చక్కగా చేసింది. తనకి మంచి ఫ్యూచర్‌ ఉంది. ఈ సినిమా లుక్‌ ఇంత బాగా వచ్చిందంటే అది రసూల్‌ వల్లే జరిగింది. ఈనెల 28 న సినిమా వస్తోంది. 'ఏజెంట్‌' ప్రేక్షకులు, అభిమానుల అంచనాలకు తగ్గట్టు ఉంటుంది. అఖిల్‌ ఇప్పటివరకూ చేసింది ఒక ఎత్తు 'ఏజెంట్‌' మరో ఎత్తు. అఖిల్‌ అన్ని చేయగలుగుతాడు. నేను ఒక యాభై శాతం మాత్రమే తీసుకోగాలిగాను' అని దర్శకుడు సురేందర్‌ రెడ్డి చెప్పారు. నిర్మాత అనిల్‌ సుంకర మాట్లాడుతూ,'ఇది చాలా ఇష్టపడి చేసిన ప్రాజెక్ట్‌. మీ అంచనాలని ఏజెంట్‌ అందుకుంటాడు. స్పై చిత్రాలు వరల్డ్‌ వైడ్‌ ఉండే చిత్రాలు. ఏజెంట్‌ అందరికీ అద్భుతమైన అనుభూతి ఇచ్చే సినిమా' అని అన్నారు.
