జగపతి బాబు, ఆశిష్‌ గాంధీ, మమతా మోహన్‌ దాస్‌, విమల రామన్‌ ప్రధాన పాత్రల్లో నటించిన సినిమా 'రుద్రంగి'. ఎమ్మెల్యే డాక్టర్‌ రసమయి బాలకిషన్‌ ప్రతిష్టాత్మకంగా నిర్మిస్తున్న చిత్రమిది. 'బాహుబలి, ఆర్‌.ఆర్‌.ఆర్‌' చిత్రాలకు రైటర్‌గా పని చేసిన అజరు సామ్రాట్‌ ఈ చిత్రానికి దర్శకత్వం వహిస్తున్నారు. ఇప్పటికే అన్ని పాత్రల ఫస్ట్‌ లుక్‌ పోస్టర్స్‌తో ఆసక్తిని పెంచిన ఈ సినిమా టీజర్‌ విడుదలైంది. నాటి తెలంగాణాలో దొరల ఆగడాలు ఎలా ఉన్నాయి?, వీళ్ళకి ఎదురు తిరిగిన మల్లేష్‌ అనే యువకుడిని ఏం చేశారనేది ఈ టీజర్‌లో చూపించారు. ఇందులో జగపతి బాబు భీం రావు దేశ్‌ ముఖ్‌ అనే క్రూరమైన దొర పాత్రలో కనిపిస్తున్నాడు. జ్వాలాబాయి దేశ్‌ ముఖ్‌గా మమతా మోహన్‌దాస్‌ అహంకారానికి ప్రతీకగా, దొరలకు ఎదురు తిరిగే మల్లేష్‌గా ఆశిష్‌ గాంధీ నటించారు. రసమయి ఫిలిమ్స్‌ బ్యానర్‌ నుంచి భారీ నిర్మాణ హంగులతో తెరకెక్కిస్తున్న ఈ సినిమా మే నెల 26న ప్రేక్షకుల ముందుకు రానుంది.
