సిద్ధార్థ్‌ 'టక్కర్‌' సినిమాతో అలరించ బోతున్నారు. కార్తీక్‌ జి. క్రిష్‌ దర్శకుడు. పీపుల్‌ మీడియా ఫ్యాక్టరీ బ్యానర్‌ పై అభిషేక్‌ అగర్వాల్‌ ఆర్ట్స్‌, పాషన్‌ స్టూడియోస్‌తో కలిసి టీజీ విశ్వ ప్రసాద్‌ ఈ చిత్రాన్ని తెలుగులో విడుదల చేస్తున్నారు. వివేక్‌ కూచిభొట్ల సహ నిర్మాత. దివ్యాంశ కౌశిక్‌ కథానాయిక. మే 26న తెలుగు, తమిళ భాషల్లో భారీస్థాయిలో థియేటర్లలో ఈ చిత్రం విడుదల కానుంది. సోమవారం సిద్ధార్థ్‌ పుట్టినరోజు సందర్భంగా 'టక్కర్‌' మూవీ టీజర్‌ను విడుదల చేశారు మేకర్స్‌. రొమాన్స్‌, యాక్షన్‌ మేళవింపుతో రూపొందిన ఈ టీజర్‌ ఎంతగానో ఆకట్టుకుంటోంది. అసలు ప్రేమ అనేదే లేదని నమ్మే యువతికి ఓ యువకుడు దగ్గరవ్వడం, ఆ తరువాత జరిగిన పరిణామాల నేపథ్యంలో రూపొందిన టీజర్‌ ఆసక్తికరంగా సాగింది.