విక్రమ్‌ తాజాగా నటిస్తున్న సినిమా 'తంగలాన్‌'. పా.రంజిత్‌ దర్శకుడు. విక్రమ్‌ బర్త్‌ డే స్పెషల్‌గా ఈ సినిమా నుంచి ఓ మేకింగ్‌ వీడియో గ్లింప్స్‌ను చిత్ర బృందం విడుదల చేసింది. కోలార్‌ గోల్డ్‌ ఫీల్డ్‌(కేజీఎఫ్‌) నేపథ్యంలో కొన్ని వాస్తవ సంఘటనల ఆధారంగా.. కంప్లీట్‌ యాక్షన్‌ ఎంటర్టైనర్‌గా రంజిత్‌ ఈ చిత్రాన్ని తెరకెక్కిస్తున్నారు. ఈ మూవీ కోసం విక్రమ్‌ ఇంతకు ముందెప్పుడూ కనిపించని గెటప్‌లో కనిపిస్తున్నారు. ఈ తరహా చిత్రాల్లో విక్రమ్‌ ఎప్పుడూ ది బెస్ట్‌ ఇస్తారని వేరే చెప్పక్కర్లేదు. అది మరోసారి ఈ సినిమాతో నిరూపితం కానుంది. పాన్‌ ఇండియా సినిమాగా బహుభాషల్లో విడుదల కాబోతున్న ఈ చిత్రంలో విక్రమ్‌తో పాటు ఫీమేల్‌ లీడ్స్‌లో పార్వతి, మాళవిక మోహనన్‌ నటిస్తుండగా, ఓ కీలక పాత్ర కోసం హాలీవుడ్‌ నటుడు డేనియల్‌ కాల్లాగిరోన్‌ను ఎంపిక చేశారు. పశుపతి, హరికృష్ణన్‌, అన్బుదురై, ప్రీతికరణ్‌, ముత్తుకుమార్‌తో పాటు అనేకమంది ఇతర ప్రముఖులు ముఖ్యపాత్రల్లో నటిస్తున్నారు. అత్యున్నత సాంకేతిక విలువలతో తెరకెక్కుతున్న ఈ చిత్రాన్ని స్టూడియో గ్రీన్‌ - కె.ఇ. జ్ఞానవేల్‌ రాజా, పా.రంజిత్‌ యొక్క నీలం ప్రొడక్షన్స్‌, యూవీ క్రియేషన్స్‌ నిర్మిస్తున్నాయి.
