ఇటీవల 'బలగం' సినిమాలో భావోద్వేగ భరిత పాటను ఆలపించి ప్రేక్షకుల హృదయాలను హత్తుకున్న జానపద కళాకారుడు మొగిలయ్యకు అండగా చిరంజీవి నిలిచారు.మొగిలయ్య గత కొంత కాలంగా అనారోగ్యంతో బాధపడుతున్నారు. అలాగే ఆయన చూపు కూడా మందగించింది. ఈ విషయం తెలుసుకున్న చిరంజీవి ఆయన కంటి శస్త్రచికిత్సకు సంబంధించి అయ్యే మొత్తం ఖర్చును తానే భారిస్తానని చెప్పినట్టు ఓ యూ ట్యూబ్‌ ఛానెల్‌కి ఇచ్చిన ఇంటర్వ్యూలో మొగిలయ్య దంపతులు తెలిపారు. 'మొగిలయ్యకు కంటి సమస్య ఉంది కదా. సంబంధిత చికిత్సకు ఎంత ఖర్చు అయినా నేను భరిస్తా' అని చెబితే, ఆ విషయాన్ని మాకు 'బలగం' దర్శకుడు వేణు ఫోన్‌ చేసి చెప్పాడని వివరిస్తూ వారు చిరంజీవికి కృతజ్ఞతలు తెలిపారు. మొగిలయ్యకి రెండు కిడ్నీలు పాడవ్వడంతో తీవ్ర అనార్యోగ సమస్యతో ఇబ్బందిపడుతున్నారు. రాష్ట్ర ప్రభుత్వం తరఫున కూడా ఆయనకు మెరుగైన వైద్యం అందజేస్తున్నారు.
