'ఓజీ' (ఒరిజినల గ్యాంగ్‌స్టర్‌) చిత్ర బృందం మంగళవారం అదిరిపోయే అప్‌డేట్‌ ఇచ్చి అటు ప్రేక్షకులను, ఇటు పవన్‌కళ్యాణ్‌ అభిమానులను సర్‌ప్రైజ్‌ చేసింది. ముంబైలో జరుగుతున్న ఈ చిత్ర షూటింగ్‌లో పవన్‌కళ్యాణ్‌ పాల్గొంటున్న ఫొటోలను షేర్‌ చేయడంతో పవన్‌ అభిమానులు ఫుల్‌ ఖుషీలో ఉన్నారు. పవన్‌ కళ్యాణ్‌, యువ దర్శకుడు సుజీత్‌ కాంబినేషన్‌లో ఒక భారీ యాక్షన్‌ డ్రామాను డీవీవీ ఎంటర్‌టైన్‌మెంట్‌ పతాకంపై డీవీవీ దానయ్య నిర్మిస్తున్న విషయం తెలిసిందే. జనవరి 30న ఈ చిత్రం పూజా కార్యక్రమాలతో ప్రారంభమైంది. ప్రకటన వచ్చినప్పటి నుంచే పవన్‌ కళ్యాణ్‌ అభిమానులలో, సినీ ప్రియుల్లో ఈ చిత్రంపై భారీ అంచనాలు ఏర్పడ్డాయి. ఈ సినిమా షూటింగ్‌లో పవన్‌ కళ్యాణ్‌ ఎప్పుడెప్పుడు పాల్గొంటారా అని అభిమానూలు,
ప్రేక్షకులంతా ఎంతగానో ఎదురుచూస్తున్నారు. అలాంటి తరుణం రానే వచ్చింది. 'ఓజీ' సెట్స్‌లో పవన్‌ కళ్యాణ్‌ అడుగుపెట్టారు. ఈనెల 15 నుంచి ముంబైలో తొలి షెడ్యూల్‌ ప్రారంభమైంది.
ముంబై, పరిసర ప్రాంతాల్లో నెలాఖరు వరకు చిత్రీకరణ జరగనుంది. ఈ షెడ్యూల్‌లో కొన్ని కీలక సన్నివేశాలతో పాటు యాక్షన్‌పార్ట్‌ని కూడా చిత్రీకరించనున్నారు. కళ్యాణ్‌ బలానికి, స్టార్‌డమ్‌కి సరిగ్గా సరిపోయే కథ అని నిర్మాత తెలిపారు.
