'గూఢచారి, రావణాసుర' వంటి అద్భుతమైన సినిమాలను నిర్మించిన అభిషేక్‌ పిక్చర్స్‌ తాజాగా 'ప్రేమ విమానం' పేరుతో ఓ వెబ్‌ ఫిల్మ్‌ను నిర్మించింది. అభిషేక్‌ పిక్చర్స్‌, జీ5 సంయుక్తంగా తెరకెక్కించిన ఈ వెబ్‌ ఫిల్మ్ ఫస్ట్‌ లుక్‌ను మేకర్స్‌ రిలీజ్‌ చేశారు. నిర్మాత అభిషేక్‌ నామా బర్త్‌ డే సందర్భంగా ఈ ప్రాజెక్ట్‌కు సంబంధించిన అధికారిక ప్రకటనను అనౌన్స్‌ చేశారు. ఫస్ట్‌ లుక్‌ పోస్టర్‌లో అన్ని ప్రధాన పాత్రధారులను పరిచయం చేశారు. ఇద్దరు పిల్లలు (దేవాన్ష్‌ నామా, అనిరుధ్‌ నామా), హీరో, హీరోయిన్లు (సంగీత్‌ శోభన్‌, శాన్వీ మేఘన), వెన్నెల కిషోర్‌, అనసూయ భరద్వాజ్‌ ఇలా అందరూ కూడా ఈ ఫస్ట్‌ లుక్‌ పోస్టర్‌లో కనిపిస్తున్నారు. ఎలాగైనా సరే విమానం ఎక్కాలని ప్రయత్నించే ఇద్దరు పిల్లలు, అర్జెంట్‌గా ఫ్లైట్‌ ఎక్కి తమ కొత్త జీవితాన్ని ప్రారంభించాలని ప్రేమ జంట ఇలా అందరినీ ఒకే చోటకు చేర్చుతుంది కథ. ఇక వీరి ప్రయాణంలో వచ్చే మలుపులు, సంతోషాలు, బాధలు, నవ్వులు ఇలా అన్నీ కూడా ప్రేక్షకులను మెప్పించేలా ఉంటాయి. ఉన్నతమైన ప్రొడక్షన్‌ విలువలతో తెరకెక్కిన ఈ సినిమా కచ్చితంగా ఫీల్‌ గుడ్‌ ఎంటర్టైనర్‌గా ఆడియెన్స్‌ను ఆకట్టుకుంటుంది. ఈ వెబ్‌ ఫిల్మ్‌కి సంతోష్‌ కటా దర్శకత్వం వహించగా, అనూప్‌ రూబెన్స్‌ సంగీతాన్ని అందించారు. జగదీష్‌ చీకటి కెమెరామెన్‌గా పని చేశారు. ఈ చిత్రానికి సమర్పణ : దేవాన్ష్‌ నామా, ఎడిటర్‌ : అమర్‌ రెడ్డి.
