మనిషి చైతన్యానికే కాదు సమాజ చైతన్యానికి, అభివద్ధికి విద్య ఎంతగానో దోహదం చేస్తుంది. అలాంటి విద్య ప్రాధాన్యాన్ని తెలియజేస్తూ, 'అభిలాష' సినిమాను నిర్మించామని మేకర్స్‌ తెలిపారు. అమర్‌ దీప్‌ హీరోగా, అశ్విని రెడ్డి హీరోయిన్‌గా నటించిన ఈ సినిమాకు శివప్రసాద్‌ చలువాది దర్శకుడు. శ్రీ హరిహర ధీర మూవీమేకర్స్‌ పతాకంపై సి.హెచ్‌. శిరీష నిర్మించిన ఈ చిత్ర ట్రైలర్‌ లాంచ్‌ ప్రసాద్‌ ల్యాబ్‌లో జరిగింది. ట్రైలర్‌ను ముఖ్య అతిధిగా విచ్చేసిన నటుడు పథీ¸్వ విడుదల చేశారు. సీడీని చిత్ర బందంతో కలిసి ఆయన ఆవిష్కరించారు. దర్శకుడు శివప్రసాద్‌ చలువాది మాట్లాడుతూ, ''వల్గారిటీకి తావులేకుండా నవరసాల్లోని అన్ని అంశాలను మేళవించి ఈ సినిమాను తీశాం. విద్యకు ఉన్న ప్రాధాన్యాన్ని సందేశాత్మకంగా ఇందులో చూపించాం. 1983లో వచ్చిన చిరంజీవి 'అభిలాష' చిత్రానికి, ఈ సినిమాకు కథాపరంగా ఎలాంటి సంబంధం లేదు. ఆ చిత్రంలో ఉరి రద్దు చేయాలని చూపిస్తే, ఇందులో చదువు వద్దన్న విలన్‌ను ఎలా ఎదుర్కోవడం జరిగిందనే అంశాన్ని చూపించాం' అని చెప్పారు.'పాత్రలకు సరిపోయే మంచి ఆర్టిస్టులను ఎంపిక చేసుకుని మరీ ఈ చిత్రాన్ని తీశాం. ఓ మంచి సినిమాతో ప్రేక్షకుల ముందుకు వస్తున్నందుకు చాలా సంతోషంగా ఉంది' అని నిర్మాత సి.హెచ్‌. శిరీష అన్నారు.
