అఖిల్‌ అక్కినేని, సురేందర్‌ రెడ్డి కాంబినేషన్‌ 'ఏజెంట్‌'తో మునుపెన్నడూ లేని అనుభూతిని అందించడానికి ఈనెల 28న ప్రేక్షకుల ముందుకు వస్తున్నారు.
ఏకె ఎంటర్‌టైన్‌మెంట్స్‌ అనిల్‌ సుంకర నిర్మించిన ఈ చిత్ర థియేట్రికల్‌ ట్రైలర్‌ లాంచ్‌ ఈవెంట్‌ కాకినాడలో గ్రాండ్‌గా జరిగింది. ఏపీ సినిమాటోగ్రఫీ మంత్రి చెల్లుబోయిన శ్రీనివాస వేణుగోపాల్‌ కష్ణ ట్రైలర్‌ని లాంచ్‌ చేశారు.
ఈ సందర్భంగా అఖిల్‌ మాట్లాడుతూ,''ఏజెంట్‌' రెండేళ్ళ జర్నీ. ఈ జర్నీలో మానసికంగా చాలా మారాను. నాకు సినిమా, అభిమానులు అంటే ఎంత పిచ్చో ఇంకా అర్థమైంది. సాక్షి వైద్య ఈ సినిమాలో సర్‌ప్రైజ్‌ ప్యాకేజ్‌. హిపాప్‌ తమిళా ప్రాణం పెట్టి మ్యూజిక్ చేశారు. బీజీఏం చాలా వైల్డ్‌గా ఉంటుంది. అనిల్‌ సుంకర నా బ్యాక్‌ బోన్‌. అభిమానుల కోసం ఇంత పెద్ద సినిమా చేద్దాం.. అందరికీ పిచ్చెక్కిపోవాలని అన్నారు. అదే మాట మీద నిలబడ్డారు. ఈ సినిమా క్రెడిట్‌ అంతా దర్శకుడు సురేందర్‌ రెడ్డికే ఇస్తాను. ఈ రోజు ఇంత నమ్మకంగా మాట్లడుతున్నానంటే 'ఏజెంట్‌' ఇచ్చిన ధైర్యం' అని అన్నారు. 'ఈనెల 28 ప్రేక్షకులు, అభిమానులకు ఒక పండగ, ఉత్సవం. యాక్షన్‌ స్పై జోనర్‌ ఇది. ఇలాంటి సినిమాలు చాలా వచ్చాయి కానీ ఈ సినిమా చాలా ప్రత్యేకం. ఆరు దేశాల్లో డిఫరెంట్‌ లోకేషన్స్‌లో మంచి యాక్షన్‌ కొరియోగ్రాఫర్స్‌, స్టంట్స్‌తో చేసిన చిత్రమిది' అని నిర్మాత అనిల్‌ సుంకర చెప్పారు. నాయిక సాక్షి వైద్య మాట్లాడుతూ, 'ట్రైలర్‌ మీ అందరికీ నచ్చిందని అనుకుంటున్నాను. వైల్డ్‌ రైడ్‌కి రెడీ అవ్వండి' అని తెలిపారు.
