నాగ చైతన్య హీరోగా వెంకట్‌ ప్రభు దర్శకత్వంలో రూపొందుతున్న తెలుగు-తమిళ ద్విభాషా చిత్రం 'కస్టడీ'. మే 12న థియేటర్లలో ప్రేక్షకులకు థ్రిల్‌ అందించడానికి సిద్ధంగా ఉంది. తాజాగా ఈ సినిమా సెకండ్‌ సింగిల్‌కి సంబంధించిన అప్‌డేట్‌ని అందించారు మేకర్స్‌. 'టైమ్‌లెస్‌ లవ్‌..' అనే పాటను ఈ నెల 23న విడుదల చేయనున్నారు. ఇళయరాజా, ఆయన తనయుడు యువన్‌ శంకర్‌ రాజా ఈ 'టైమ్‌లెస్‌' ట్రాక్‌ని స్కోర్‌ చేశారు. ఈ పాట రిలీజ్‌ పోస్టర్‌లో సూచించినట్లుగా ఇదొక రెట్రో-స్టయిల్‌ నెంబర్‌ అని అర్థమవుతోంది. శ్రీనివాసా సిల్వర్‌ స్క్రీన్‌ బ్యానర్‌పై భారీ నిర్మాణ విలువలు, సాంకేతిక ప్రమాణాలతో ఈ సినిమా తెరకెక్కుతోంది. పవన్‌కుమార్‌ సమర్పిస్తున్న ఈ చిత్రంలో కృతి శెట్టి, అరవింద్‌ స్వామి, ప్రియమణి, శరత్‌ కుమార్‌, సంపత్‌ రాజ్‌, ప్రేమి అమరేన్‌, వెన్నెల కిషోర్‌, ప్రేమి విశ్వనాథ్‌ తదితరులు నటిస్తున్నారు. ఈ చిత్రానికి కథ, స్క్రీన్‌ప్లే, దర్శకత్వం: వెంకట్‌ ప్రభు, సినిమాటోగ్రాఫర్‌: ఎస్‌ఆర్‌ కతీర్‌, ఎడిటర్‌: వెంకట్‌ రాజన్‌, డైలాగ్స్‌: అబ్బూరి రవి.
