హీరో సాయిధరమ్‌తేజ్‌ నటించిన కొత్త చిత్రం 'విరూపాక్ష'. శుక్రవారం ఈ సినిమా ప్రేక్షకుల ముందుకొచ్చింది. మార్నింగ్‌ షో నుండే బ్లాక్‌బస్టర్‌ టాక్‌ను సొంతం చేసుకుని టాక్‌ఆఫ్‌ ద ఇండిస్టీగా మారిపోయింది. ప్రేక్షకుల అభినందనలతో పాటు విమర్శకుల ప్రశంసలు పొందుతోంది. ఈ చిత్రాన్ని కార్తిక్‌ వర్మ దండు దర్శకత్వంలో, బాపినీడు సమర్పణలో నిర్మాత బీవీఎస్‌ఎన్‌ ప్రసాద్‌ ఈ నిర్మించారు. మిస్ట్రీక్‌ థ్రిల్లర్‌గా రూపొందిన ఈ చిత్ర విజయాన్ని పురస్కరించుకుని ట్విట్టర్‌ వేదికగా చిరంజీవి అభినందనలు తెలిపారు.'ఈ చిత్రానికి వస్తున్న అద్బుతమైన స్పందన చూస్తుంటే ఆనందంగా ఉంది. సాయిధరమ్‌తేజ్‌ మళ్లీ ఓ బ్లాక్‌బస్టర్‌ విజయంతో ప్రేక్షకుల ముందుకు రావడం, ఈ చిత్రానికి ఆడియన్స్‌ ప్రశంసలు, అభినందనలు అందించడం ఎంతో సంతోషం. ఈ చిత్రానికి పనిచేసిన నటీనటులకు, సాంకేతిక నిపుణులకు నా హృదయపూర్వక అభినందనలు' అని చిరంజీవి ట్వీట్‌లో పేర్కొన్నారు.
