తొలి చిత్రం 'రౌడీ బార్సు'తో ఆకట్టుకున్న యువ హీరో ఆశిష్‌ రెడ్డి ఇప్పుడు యూత్‌ ఫుల్‌మాస్‌ ఎంటర్‌టైనర్‌ 'సెల్ఫిష్‌'తో వస్తున్నాడు. నూతన దర్శకుడు కాశీ విశాల్‌ దర్శకత్వంలో సుకుమార్‌ రైటింగ్స్‌, శ్రీ వెంకటేశ్వర క్రియేషన్స్‌ పతాకాలపై నిర్మాత దిల్‌ రాజు, శిరీష్‌ నిర్మిస్తున్న చిత్రమిది. ఇందులో ఆశిష్‌ మాస్‌ క్యారెక్టర్‌లో నటిస్తున్నాడు. గతంలో విడుదల చేసిన పోస్టర్‌లలో రెక్లెస్‌ యాటిట్యుడ్‌ చూపించాడు. ఇప్పుడు ఈ చిత్రంలో కథానాయికగా నటిస్తున్నా ఇవానాను చైత్ర పాత్రలో పరిచయం చేశారు మేకర్స్‌. ఫస్ట్‌లుక్‌ పోస్టర్‌లో ఇవానా ఏదో ఆందోళనలో ఉన్నట్లుగా కనిపిస్తుండగా, ఆశిష్‌ ఆమెని తదేకంగా చూస్తునట్లుగా ఉన్నారు. ఐడీ కార్డ్‌ సూచించినట్లుగా ఇవానా ఇందులో ఫైనాన్సియల్‌ ఎనలిస్ట్‌గా కనిపిస్తుంది. రిజర్డ్వ్‌ ఫర్‌ మై లవ్‌ అనే గూగుల్‌ సెర్చ్‌ స్పేష్‌ కనిపిస్తోంది. హైదరాబాద్‌లోని పాతబస్తీలో జరిగే కథ ఇది. ప్రస్తుతం ఈ సినిమా షూటింగ్‌ హైదరాబాద్‌లో శరవేగంగా జరుగుతోంది.
