శేఖర్‌ అయాన్‌ వర్మ, వైభవి రావ్‌ హీరో, హీరోయిన్లుగా ఒ.సాయి దర్శకత్వంలో తెరకెక్కిన సినిమా 'కళ్యాణమస్తు'.
ఈ లవ్‌ అండ్‌ యాక్షన్‌ చిత్రం నుండి ఇప్పటికే విడుదలైన ప్రతి కంటెంట్‌ ప్రేక్షకులను విపరీతంగా ఆకట్టుకుంది. ప్రస్తుతం ఈ చిత్రం నుండి 'వేసవి కాలం' అనే పాటను రిలీజ్‌ చేసింది చిత్రబందం. అలరాజు లిరిక్స్‌ అందించిన ఈ పాటను యాజిన్‌ నజీర్‌, అదితి భావరాజు అద్భుతంగా ఆలపించారు.
'నీ జాతలో నీడల్లే ఉండనా కడదాకా.. కన్నీరు అన్నదే రానీక..యేం మాయనో నడిపింది నన్నిలా నీదాక..అడుగైన దూరమే కానింకా' అనే పాటలోని చరణాలు ఆకట్టుకుంటున్నాయి. ఒ. సాయి దర్శకత్వంలో రాబోతున్న ఈ సినిమాను బోయపాటి రఘుబాబు నిర్మించారు. ఆర్‌.ఆర్‌. ధ్రువన్‌ సంగీతం అందించిన ఈ సినిమాకు మల్లికార్జున్‌ నరగాని సినిమాటోగ్రఫీ అందించారు. ఈ సినిమాను మే 12న గ్రాండ్‌గా రిలీజ్‌ చేస్తున్నారు.