'లక్ష్యం', 'లౌక్యం' వంటి బ్లాక్‌ బస్టర్స్‌ తర్వాత గోపీచంద్‌, డైరెక్టర్‌ శ్రీవాస్‌ కలయికలో వస్తున్న హ్యాట్రిక్‌ మూవీ 'రామబాణం'. పీపుల్‌ మీడియా ఫ్యాక్టరీ పతాకంపై నిర్మాత టీజీ విశ్వప్రసాద్‌ ఈ చిత్రాన్ని నిర్మిస్తున్నారు. ఈ చిత్రానికి వివేక్‌ కూచిభొట్ల సహ నిర్మాత. ఈ చిత్రంలో గోపీచంద్‌ సరసన డింపుల్‌ హయతి కథానాయికగా నటిస్తోంది. ఇప్పటికే విడుదలైన ప్రమోషనల్‌ కంటెంట్‌కు అద్భుతమైన రెస్పాన్స్‌ వచ్చింది. ట్రైలర్‌ కూడా ట్రెమండస్‌ రెస్పాన్స్‌తో అన్ని వర్గాల ప్రేక్షకులను ఆకట్టుకుంది. 'ఐఫోన్‌, దరువెయ్యరా..' పాటలు చార్ట్‌ బస్టర్స్‌గా అలరించాయి అని చిత్ర బృందం తెలిపింది. తాజాగా మేకర్స్‌ ఈద్‌ శుభాకాంక్షలు తెలుపుతూ థర్డ్‌ సింగిల్‌ డేట్‌ని అనౌన్స్‌ చేశారు. ఈనెల 24న 'రామబాణం' థర్డ్‌ సింగిల్‌ 'నువ్వే నువ్వే' పాటని విడుదల చేస్తున్నట్లు తెలిపారు. మే 5న ఈ చిత్రం భారీస్థాయిలో విడుదల కానుంది.
