హాస్యనటుడు చలాకీ చంటి అస్వస్థతకు గురయ్యారు. తీవ్రమైన ఛాతినొప్పి రావడంతో ఈనెల 21న కుటుంబ సభ్యులు ఆయన్ని గచ్చిబౌలిలోని కేర్‌ హాస్పిటల్‌కి తరలించారు. ఆయన ఆరోగ్య పరిస్థితిని గమనించిన వైద్యులు గుండెపోటుగా గుర్తించారు. రక్తనాళాల్లో కొలెస్ట్రాల్‌ ఉండటంతో ఆయనకు స్టంట్‌ వేసినట్టు ఆసుపత్రి వర్గాలు తెలిపాయి. ప్రస్తుతం ఆయన ఆరోగ్య పరిస్థితి నిలకడగానే ఉందని, ఐసీయూలో చికిత్స అందిస్తున్నట్లు వైద్యులు తెలిపారు. పలు చిత్రాల్లో పోషించిన హాస్య పాత్రలతో చంటి తనకంటూ ఓ ప్రత్యేక గుర్తింపు సొంతం చేసుకున్నారు. ఆ తర్వాత 'జబర్దస్త్‌', బిగ్‌బాస్‌ షో.. ఆయనకి మరింత గుర్తింపు తీసుకొచ్చాయి.
మీ స్నేహితులకు రికమెండ్ చెయ్యండి
