'మదర్‌ థెరిస్సా అండ్‌ మీ' శక్తిమంతమైన ఈ కథ, ఆశ, కరుణ, ప్రేమలతో సమ్మిళితమైన ముగ్గురు అసాధారణ మహిళల జీవితమని మేకర్స్‌ తెలిపారు.
తాజాగా ఈ చిత్ర ఫస్ట్‌లుక్‌ను చిత్ర బృందం రిలీజ్‌ చేసింది. విడుదలైన అతి తక్కువ సమయంలోనే ఈ చిత్ర ఫస్ట్‌లుక్‌ సోషల్‌ మీడియాలో సంచలనంగా మారింది. ఈ చిత్రం ఇంగ్లీష్‌, హిందీలో విడుదలై తరువాత స్పానిష్‌లో అనువాదం చేశారు.
'కర్రీ వెస్ట్రన్‌', 'మిలియన్స్‌ కెన్‌ వాక్‌' వంటి చిత్రాల దర్శకుడు కమల్‌ ముసలే ఈ సినిమాను తెరకెక్కించారు. ఇందులో ఇక తన పాత్ర కవిత గురించి బనితా సంధు మాట్లాడుతూ, 'నిజ జీవితంలో కవిత పాత్రకు నాకు చాలా దగ్గరి పోలికలు ఉన్నాయి. కవిత తనలో తాను వెతుక్కునే అమ్మాయి' అని తెలిపారు.
మదర్‌ థెరిస్సా పాత్రలో నటించిన జాక్వెలిన్‌ ఫిట్షి-కోర్నాజ్‌ మాట్లాడుతూ, 'ఈ చిత్రం క్రౌడ్‌ ఫండింగ్‌ ద్వారా రూపొందించారు. విడుదల తర్వాత ఈ చిత్రానికి వచ్చే లాభాలను అనాధాశ్రమాలకు, ఆరోగ్యం, విద్య వంటి సంక్షేమశాలలకు అందజేస్తాం' అని అన్నారు. కర్రీ వెస్ట్రన్‌ మూవీస్‌, లెస్‌ ఫిల్మ్స్‌ డు లోటస్‌, కవితా థెరిస్సా ఫిల్మ్ బ్యానర్‌పై సంయుక్తంగా నిర్మితమైంది. ఈ సినిమాలో బనితా సంధు, జాక్వెలిన్‌ ఫ్రిట్షి-కోర్నాజ్‌, దీప్తి నావల్‌ ప్రధాన పాత్రల్లో నటించారు. సినీపోలిస్‌, పెన్‌ మరుధర్‌ ఈ చిత్రాన్ని దేశవ్యాప్తంగా మే 5న ప్రేక్షకుల ముందుకు తీసుకురాబోతున్నారు.
