రోషన్‌, ముస్తఫా అస్కరి, శ్రీనివాస్‌ ప్రభన్‌, అనిరుధ్‌, పూజ, లయ, ఇందు, సాయిశ్రీ, శ్రీవల్లి, కీర్తన, సత్తిపండు, కోటేష్‌ మానవ తదితరులు నటీనటులుగా రూపొందుతున్న చిత్రం 'అరంగేట్రం'. మహి మీడియా వర్క్స్‌ బ్యానర్‌పై శ్రీనివాస్‌ ప్రభన్‌ దర్శకత్వంలో మహేశ్వరి కె. ఈ చిత్రాన్ని నిర్మిస్తున్నారు.
మే 5న రిలీజ్‌ కాబోతున్న ఈ చిత్ర ప్రీ రిలీజ్‌ ఈవెంట్‌ బుధవారం ప్రసాద్‌ లాబ్స్‌లో జరిగింది.
ఈ సందర్భంగా దర్శకుడు మాట్లాడుతూ, 'ఇది పక్కా కమర్షియల్‌ మూవీ. అయితే సైకో బేస్డ్‌ కాన్సెప్ట్‌తో సాగుతుంది. అలాగే మంచి ఫ్యామిలీ బ్యాక్‌డ్రాప్‌, లవ్‌ స్టోరీ కూడా ఉంటుంది. వీటిని లింక్‌ చేసేలా క్రైమ్‌ ఎలిమెంట్‌ అందర్నీ సర్‌ప్రైజ్‌ చేస్తుంది. పాటలు, ఫైట్స్‌, కామెడీ అన్నీ ఉంటాయి.
ఆరుగురు అమ్మాయిలు, ముగ్గురు అబ్బాయిల మధ్య ప్రధానంగా సాగే సినిమా.
ఇందులో నేనూ నటించాను. ఒక్కొక్క క్యారెక్టర్‌ చాలా కొత్తగా ఉంటుంది. చిన్న సినిమానే అయినప్పటికీ మేకింగ్‌లో ఎక్కడా కాంప్రమైజ్‌ కాలేదు. మా సినిమాను ఆదరించండి' అని తెలిపారు. 'మా సినిమా చాలా బాగా వచ్చింది. మే 5న థియేటర్స్‌లో మీ ముందుకు వస్తున్నాం' అని నిర్మాత మహేశ్వరి.కె అన్నారు. సహ నిర్మాత విజయ లక్ష్మి మాట్లాడుతూ, 'మంచి కాన్సెప్ట్‌తో చేసిన మా సినిమాను ఆదిరిస్తారనే నమ్మకం ఉంది. తప్పకుండా మా సినిమా అందరికీ నచ్చుతుంది' అని చెప్పారు. రోషన్‌ మాట్లాడుతూ, ''విరూపాక్ష' సినిమాలో లాగానే ఇందులోనూ డిఫరెంట్‌ రోల్‌ చేశాను. సినిమా అలరిస్తుంది' అని తెలిపారు.
