చిరంజీవి, మెహర్‌ రమేష్‌ కలయికలో రూపొందుతున్న చిత్రం
'భోళా శంకర్‌'. రామబ్రహ్మం సుంకర నిర్మిస్తున్న ఈ యాక్షన్‌ ఎంటర్‌టైనర్‌ నిర్మాణ పనులు శరవేగంగా జరుగుతున్నాయి. ప్రస్తుతం చిరంజీవి, షావర్‌ అలీ, వజ్రతోపాటు ఫైటర్స్‌, ఇతర ప్రముఖ తారాగణంపై భారీ ఇంటర్వెల్‌ సీక్వెన్‌ను హైదరాబాద్‌లో చిత్రీకరిస్తున్నారు.
ఇదిలా ఉంటే, మేకర్స్‌ గురువారం పూజా కార్యక్రమాలతో డబ్బింగ్‌ పనులను ప్రారంభించారు. జూన్‌ చివరి నాటికి సినిమా చిత్రీకరణ మొత్తం పూర్తవుతుంది. క్రియేటివ్‌ కమర్షియల్స్‌తో కలిసి అనిల్‌ సుంకర ఎకె ఎంటర్‌టైన్‌మెంట్స్‌ నిర్మిస్తున్న ఈ కమర్షియల్‌ ఎంటర్‌టైనర్‌లో ఎమోషన్స్‌, ఎంటర్‌టైన్‌మెంట్‌, యాక్షన్‌తో పాటు లావిష్‌గా చిత్రీకరించిన పాటలూ ఉంటాయి. మెహర్‌ రమేష్‌ ఈ చిత్రంలో చిరంజీవిని పూర్తి స్టైలిష్‌ మాస్‌ అవతార్‌లో ప్రజెంట్‌ చేస్తున్నారు. తమన్నా కథానాయికగా నటిస్తుండగా, చిరంజీవికి సోదరిగా కీర్తి సురేష్‌ కనిపించనుంది. సుశాంత్‌ ఈ సినిమాలో లవర్‌ బారు పాత్రలో మెరవబోతున్నారు. ఆగస్ట్‌ 15 స్వాతంత్య్ర దినోత్సవం సందర్భంగానే కాకుండా లాంగ్‌ హాలిడే వీకెండ్‌ కలిసోచ్చేలా ఈ చిత్రాన్ని ఆగస్టు 11న ప్రపంచవ్యాప్తంగా గ్రాండ్‌గా విడుదల చేయనున్నారు.
రఘుబాబు, రావు రమేష్‌, మురళీ శర్మ, రవిశంకర్‌, వెన్నెల కిషోర్‌, తులసి, ప్రగతి, శ్రీ ముఖి, బిత్తిరి సత్తి, సత్య, గెటప్‌ శ్రీను, రష్మీ గౌతమ్‌, ఉత్తేజ్‌, ప్రభాస్‌ శీను తదితరులు నటిస్తున్న ఈ చిత్రానికి స్క్రీన్‌ ప్లే, దర్శకత్వం: మెహర్‌ రమేష్‌, ఎగ్జిక్యూటివ్‌ ప్రొడ్యూసర్‌: కిషోర్‌ గరికిపాటి, సంగీతం: మహతి స్వర సాగర్‌, డీవోపీ: డడ్లీ, ఎడిటర్‌: మార్తాండ్‌ కె వెంకటేష్‌, ప్రొడక్షన్‌ డిజైనర్‌: ఏఎస్‌ ప్రకాష్‌, కథా పర్యవేక్షణ: సత్యానంద్‌, డైలాగ్స్‌: తిరుపతి మామిడాల.
