వైవిధ్యమైన చిత్రాలతో ముఖ్యంగా విమెన్‌ సెంట్రిక్‌ మూవీస్‌తోనూ అగ్ర కథానాయిక సమంత అందర్నీ ఆకట్టుకుంటోంది. రీసెంట్‌గా వచ్చిన 'యశోద, శాకుంతలం' చిత్రాల్లోని నటనతోనూ మెప్పించింది. త్వరలోనే 'ఖుషీ' చిత్రంతో ఆమె ప్రేక్షకుల ముందుకు రాబోతోంది. గత ఏడాదే రావాల్సిన ఈ సినిమా సమంత అనారోగ్య సమస్యల వల్ల ఆలస్యమైంది. విజయ్‌ దేవరకొండ హీరోగా నటిస్తోన్న ఈ చిత్రానికి శివ నిర్వాణ దర్శకుడు. మైత్రి మూవీ మేకర్స్‌ ఈ చిత్రాన్ని నిర్మిస్తోంది.సమంత బర్త్‌ డే సందర్భంగా ఈ చిత్రం నుంచి కొత్త పోస్టర్‌ విడుదల చేసింది మూవీ టీమ్‌. చూడగానే ఆకట్టుకునేలా ఉన్న ఈ స్టిల్‌లో సమంత ఐడి కార్డ్‌ వేసుకుని ఏదో సాఫ్ట్‌ వేర్‌ ఆఫీస్‌లోకి వెళుతున్నట్టుగా ఉంది.
తన లుక్‌ బర్త్‌ డే మూడ్‌కు తగ్గట్టుగా చాలా జారు ఫుల్‌గా కనిపిస్తోంది.
ప్రస్తుతం చివరి షెడ్యూల్‌ చిత్రీకరణ జరుపుకుంటున్న ఈ చిత్రాన్ని
ఈ యేడాది సెప్టెంబర్‌ 1న ప్రపంచ వ్యాప్తంగా విడుదల చేయబోతున్నారు.
'నిన్ను కోరి, మజిలీ' వంటి అందమైన సకుటుంబ ప్రేమ కథల్ని తెరకెక్కించిన శివ నిర్వాణ మరోసారి సిల్వర్‌ స్క్రీన్‌ పై మరో అద్భుతమైన ప్రేమకథని చూపించబోతున్నారు. గతంలో 'మహానటి' చిత్రంలో విజయ్‌, సమంత కలిసి నటించారు. ఈ చిత్రంలో ఈ జంట పూర్తి స్థాయి ఫ్యామిలీ ఎంటర్టైనర్‌గా రాబోతోంది. కశ్మీర్‌తో పాటు ఎన్నో అందమైన లొకేషన్స్‌లో చిత్రీకరణ జరుపుకున్న ఈ చిత్రంతో విజరు దేవరకొండ - సమంత కాంబినేషన్‌ ప్రతి ఒక్కరి హృదయానికి హత్తుకునేలా, అద్భుతమైన ప్రేమకథ ఇది అని చిత్ర బృందం తెలిపింది.
