స్వప్న సినిమా నిర్మాణంలో దర్శకురాలు నందిని రెడ్డి దర్శకత్వం వహించిన చిత్రం 'అన్నీ మంచి శకునములే'. సంతోష్‌ శోభన్‌, మాళవిక నాయర్‌ ప్రధాన పాత్రలలో రూపొందిన ఈ చిత్రాన్ని మిత్ర విందా మూవీస్‌తో కలిసి ప్రియాంక దత్‌ నిర్మించారు. మే 18న ఈ సినిమా ప్రేక్షకుల ముందుకు రాబోతున్న నేపథ్యంలో కథానాయిక మాళవిక నాయర్‌ మీడియాతో పలు విశేషాలను షేర్‌ చేసుకున్నారు. ఆ విశేషాల సమాహారం మీ కోసం.. ఇప్పటివరకూ నేను చేసిన పాత్రలు కొంచెం సున్నితత్వంలోనే ఉన్నాయి. కానీ ఈ చిత్రంలో మాత్రం కొంచెం భిన్నంగా ఉంటుంది. నా పాత్ర చాలా ఆర్గనైజడ్‌గా ఉంటూ, ధైర్యం, కోపం స్పష్టంగా ప్రదర్శించేలా ఉంటుంది. అన్నీ తన చేతిలో ఉండాలనుకునే పాత్రలో కనిపిస్తా. దర్శకురాలు నందిని రెడ్డితో పని చేయటం హ్యాపీగా అనిపించింది. అలాగే సంతోష్‌, నేను ఫ్రెండ్స్‌లా కలిసి పని చేశాం. ఒక నటిగా ఓ పాత్ర చేస్తున్నా నంటే ఖచ్చితంగా వైవిధ్యం ఉండాల్సిందే.
