మైత్రి ఆర్ట్స్‌ బ్యానర్‌ పై ప్రొడక్షన్‌ నెం.1గా తెరకెక్కబోతున్న సినిమా ఆదివారం పూజా కార్యక్రమాలతో ప్రారంభమైంది. ఈ పూజా కార్యక్రమంలో ముఖ్య అతిథులుగా నటుడు అలీ, నిర్మాత రామ్‌ తాళ్లూరి, దర్శకులు వైవిఎస్‌.చౌదరి, వేణు ఉడుగుల, శివబాలాజీ తదితరులు పాల్గొన్నారు. రాజ్‌ తాళ్లూరి ఈ సినిమాతో దర్శకుడిగా పరిచయం అవుతున్నారు. ఈ చిత్ర ప్రారంభోత్సవంలో సుచిరిండియా కిరణ్‌ క్లాప్‌ కొట్టగా, దర్శకులు వేణు ఉడుగుల కెమెరా స్విచాన్‌ చేశారు. తొలి సన్నివేశానికి వైవిఎస్‌ చౌదరి గౌరవ దర్శకత్వం వహించారు. క్రైం కామెడీ థ్రిల్లర్‌గా ప్రేక్షకుల ముందుకు రాబోతున్న ఈ సినిమాలో హీరో వెంకట్‌, రవిందర్‌ రెడ్డి, ఆదిత్య, మహేష్‌ విట్ట, వెంకట్‌, వేద్విక, చాందిని రావ్‌, శుభశ్రీ నటిస్తున్నారు. త్వరలో టైటిల్‌ అనౌన్స్‌మెంట్‌తోపాటు ఫస్ట్‌ లుక్‌ను చిత్ర యూనిట్‌ రిలీజ్‌ చేయనున్నారు.
ఈ సందర్భంగా దర్శకులు రాజ్‌ తాళ్లూరి మాట్లాడుతూ, 'మంచి కాన్సెప్ట్‌తో అందరికి నచ్చే సినిమాతో మీ ముందుకు వస్తున్నాను. ఈ నెల 10నుండి రెగ్యులర్‌ షూటింగ్‌ ప్రారంభం కానుంది. నిర్మాతలు ప్రవీణ్‌ రెడ్డి, వాసుదేవగార్ల సహకారం మరువలేనిది' అని తెలిపారు. నిర్మాత ప్రవీణ్‌ రెడ్డి మాట్లాడుతూ,'దర్శకులు రామ్‌ తాళ్లూరి మంచి స్క్రిప్ట్‌ చెప్పారు. ఈ కథ నచ్చి వెంటనే సినిమా చేద్దాం అని చెప్పాను. ప్రేక్షకులు ఎప్పుడూ మంచి సినిమాలను ఆదరిస్తారని నమ్మకం ఉంది. ఆ నమ్మకంతోనే ఈ సినిమా నిర్మిస్తున్నాం' అని అన్నారు. ఈ చిత్రానికి కెమెరామెన్‌: సన్నీ.
