సుముఖ క్రియేషన్స్‌, ఐడియల్‌ ఫిలిం మేకర్స్‌ సంయుక్తంగా నిర్మించిన చిత్రం 'నరకాసుర'. 'పలాస' ఫేమ్‌ రక్షిత్‌ హీరోగా సెబాస్టియన్‌ ఈ చిత్రానికి డైరెక్ట్‌ చేశారు. శనివారం ఈ చిత్ర టీజర్‌ లాంచ్‌ ఘనంగా జరిగింది.
ఈ సందర్భంగా నిర్మాత శ్రీనివాస్‌ మాట్లాడుతూ, 'ఈ సినిమాలోని ఆర్టిస్టులంతా అద్భుతంగా చేసారు. సెబాస్టియన్‌ బాగా డైరెక్ట్‌ చేసారు. డీవోపీ నాని వర్క్‌ చాలా బావుంది. సినిమా కూడా చాలా బాగా వచ్చింది' అని తెలిపారు. 'నాకు ఈ అవకాశం ఇచ్చిన దర్శక, నిర్మాతలకు థ్యాంక్స్‌. ఇందులో నా పాత్ర చాలా పవర్‌ఫుల్‌గా ఉంటుంది. ఈ సినిమా మీ అందరికీ ఖచ్చితంగా నచ్చుతుంది అనుకుంటున్నాను' అని హీరోయిన్‌ సంగీర్తన అన్నారు.
మరో హీరోయిన్‌ అపర్ణ మాట్లాడుతూ, 'ఈ మూవీ హండ్రెడ్‌ పర్సంట్‌ హిట్‌ అవుతుందని చెప్పగలను' అని చెప్పారు.దర్శకుడు సెబాస్టియన్‌ మాట్లాడుతూ, 'నేను స్క్రిప్ట్‌ రాసుకున్నదంతా తీసే ప్రయత్నం చేశాను. మాక్సిమమ్‌ నేను అనుకున్న ఫలితం వచ్చింది. ఈ జర్నీ మొత్తంలో ఆర్టిస్టుల సపోర్ట్‌ మరువలేను. హీరో రక్షిత్‌ సపోర్ట్‌ గురించి ఎంత చెప్పిన తక్కువే. స్క్రిప్ట్‌కు తగ్గట్టుగా రకరకాలుగా కనిపించేందుకు రెండున్నరేళ్ల పాటు ఎంతో కష్టపడ్డాడు. ఖచ్చింతంగా ఈ మూవీతో సక్సెస్‌ అందుకుంటాం' అని తెలిపారు.
'ఒక టీజర్‌ ఇంపాక్ట్‌ ఏంటో పలాస టైమ్‌లో చూసాను. ఆ మూవీ తర్వాత గాప్‌ రావడంతో అందరూ హేళనగా మాట్లాడారు. బట్‌ ఈ టీజర్‌ వారికీ సమధానం చెబుతుంది. ఈ మూవీ కోసం రెండేళ్ల పాటు హీరోయిన్స్‌ కూడా కష్టపడ్డారు. ఇంతమంది సీనియర్‌ యాక్టర్స్‌తో పని చేసే అవకాశం కల్పించిన దర్శకుడికి థ్యాంక్స్‌ చెబుతున్నాను. ఈ మూవీ టీజర్‌ కాంతారా రేంజ్‌లో కనిపిస్తుందనటం ఆనందంగా ఉంది. ఒక మంచి సినిమాతో మీ ముందుకు వస్తున్నాం. త్వరలోనే మరో పాటతో రాబోతున్నాం' అని హీరో రక్షిత్‌ అన్నారు.
తెలుగుతో పాటు హిందీ, తమిళం, మలయాళం, కన్నడ భాషల్లో త్వరలోనే ఈ సినిమా విడుదల కానుంది.
