సాయిధరమ్‌ తేజ్‌ హీరోగా నటించిన మిస్టికల్‌ థ్రిల్లర్‌ 'విరూపాక్ష'. సంయుక్తా మీనన్‌ కథానాయిక. కార్తీక్‌ దండు దర్శకత్వంలో శ్రీ వెంకటేశ్వర సినీ చిత్ర, సుకుమార్‌ రైటింగ్స్‌ బ్యానర్స్‌పై బాపినీడు బి.సమర్పణలో నిర్మాత బీవీఎస్‌ఎన్‌ ప్రసాద్‌ ఈ చిత్రాన్ని నిర్మించారు. సుకుమార్‌ ఈ చిత్రానికి స్క్రీన్‌ ప్లే అందించారు. ఇటీవల విడుదలై బ్లాక్‌ బస్టర్‌ విజయాన్ని సాధించింది. ఈ సందర్భంగా థ్యాంక్స్‌ మీట్‌లో హీరో సాయిధరమ్‌ తేజ్‌ మాట్లాడుతూ,'ప్రేక్షకుల అభిమానం, ఆదరణ, ఆశీర్వాదంతో ఈ సినిమాను మే 5న హిందీ, తమిళం, మలయాళ భాషల్లో, మే 12న కన్నడలో విడుదల చేస్తున్నాం' అని తెలిపారు. 'ఈ సినిమాను నమ్మి మేం సినిమ చేస్తే.. మాలాగే సినిమాను నమ్మి డిస్ట్రిబ్యూటర్స్‌ అందరూ డిస్ట్రిబ్యూట్‌ చేశారు' అని నిర్మాత బి.వి.ఎస్‌.ఎన్‌.ప్రసాద్‌ చెప్పారు. దర్శకుడు కార్తీక్‌ దండు, 'ఈ సక్సెస్‌కి కారణం కథ. ఈ కథ రాసుకోవటానికి కారణం నా ముగ్గురు స్నేహితులు సంతోష్‌, శ్రీకాంత్‌, క్లాక్స్‌' అని అన్నారు. దిల్‌ రాజు మాట్లాడుతూ, 'తేజు.. కెరీర్‌లో విరూపాక్ష హయ్యస్ట్‌ గ్రాసర్‌గా నిలిచింది. దర్శకుడు కార్తీక్‌, నిర్మాతల నమ్మకం ఈ రోజు నిజమైంది' అని అన్నారు.
