తెలుగు సినీ కార్మిక దినోత్సవ కార్యక్రమం హైదరాబాద్‌లో ఘనంగా జరిగింది. ఈ కార్యక్రమంలో ఎఫ్‌డీసీ ఛైర్మన్‌ అనిల్‌ కుర్మాచలం, ఫిలిం ఛాంబర్‌ ప్రెసిడెంట్‌ బసిరెడ్డి, దర్శకులు కాశీ విశ్వనాథ్‌, ఎన్‌శంకర్‌, నిర్మాతలు చదలవాడ శ్రీనివాసరావు, సి.కళ్యాణ్‌, దామోదర ప్రసాద్‌, ప్రసన్న కుమార్‌, తుమ్మలపల్లి రామసత్యనారాయణ తదితరులు హాజరయ్యారు. వీడియో సందేశం ద్వారా సినీ కార్మికులకు చిరంజీవి మేడే శుభాకాంక్షలు తెలిపారు.
ఈ సందర్భంగా ఫిలిం ఫెడరేషన్‌ ఆధ్వర్యంలో 'ఆర్‌ఆర్‌ఆర్‌' చిత్రానికి పనిచేసిన ఇరవై నాలుగు విభాగాల వారికి సన్మానం చేశారు. అలాగే పాటల రచయిత చంద్రబోస్‌, సినిమాటోగ్రాఫర్‌ కె కె సెంథిల్‌ కుమార్‌, ఆర్ట్‌ డైరెక్టర్‌ సాబూ సిరిల్‌, స్టంట్‌ మాస్టర్‌ కింగ్‌ సొలమన్‌లను కూడా ఘనంగా సన్మానించారు. ఫిలిం ఫెడరేషన్‌కు ఇటీవల ఎన్నికైన అధ్యక్షులు
అనిల్‌ కుమార్‌ వల్లభనేని, సెక్రటరీ పీఎస్‌ఎన్‌ దొర, కోశాధికారి వి.సురేష్‌ ఈ వేడుకలో భాగంగా ప్రమాణ స్వీకారం చేశారు. ఇటీవల సినీ కార్మికులకు పెంచిన వేతనాల అగ్రిమెంట్లను ఈ కార్యక్రమంలో ఫెడరేషన్‌ వారికి ఫిలిం ఛాంబర్‌ అందజేసింది.
