శ్రీ వేంకటేశ్వర క్రియేటివ్‌ వర్క్స్‌ పతాకంపై అనిరుధ్‌, యశస్విని జంటగా భిక్షపతి రాజు పందిరి దర్శకత్వంలో, చంద్రకళ పందిరి నిర్మించిన రియల్‌ ఇన్సిడెంట్‌ బేస్డ్‌ స్టోరీ 'యాద్గిరి అండ్‌ సన్స్‌'. అన్ని హంగులు పూర్తి చేసుకున్న ఈ చిత్రం ఈనెల 5న ప్రేక్షకుల ముందుకు రానుంది. తాజాగా ఈ చిత్ర ప్రీ రిలీజ్‌ వేడుకను ఘనంగా నిర్వహించారు. ఈ కార్యక్రమానికి ముఖ్య అతిథిగా హాజరైన 'భీమ్లా నాయక్‌' దర్శకుడు చిత్ర ట్రైలర్‌ను ఆవిష్కరించారు. హీరో అనిరుధ్‌ మాట్లాడుతూ, 'ఇది నా డెబ్యూ చిత్రం. ఈ సినిమా రియల్‌ ఇన్సిడెంట్స్‌తో తెరకెక్కింది. అన్ని రకాల ఎలిమెంట్స్‌ ఉంటాయి. థియేటర్‌కి వచ్చి సినిమా చూసి వెళ్లేటప్పుడు.. ఒక మంచి సినిమా చూశామనే ఫీలింగ్‌ ఖచ్చితంగా ఈ సినిమా ఇస్తుంది' అని తెలిపారు.'ఒక మంచి సినిమాని ప్రేక్షకులకు అందించే ప్రయత్నం చేశాను. సినిమా చూసి.. ప్రేక్షకులే ఇక డిసైడ్‌ చేయాలి. ఈనెల 5న సినిమాని థియేటర్లలో విడుదల చేయబోతున్నాం. అందరూ ఈ సినిమా చూసి.. నచ్చితే ఇంకో పది మందికి చెప్పి.. మంచి సక్సెస్‌ చేస్తారని కోరుతున్నాను' అని దర్శకుడు భిక్షపతి రాజు అన్నారు. 'భీమ్లా నాయక్‌' దర్శకుడు సాగర్‌ కె చంద్ర మాట్లాడుతూ, 'ట్రైలర్‌ చూశాను. చాలా ఇన్నోవేటివ్‌గా ఉంది. రియల్‌ ఇన్సిడెంట్స్‌తో ఇటువంటి సినిమాని రూపొందించడం గ్రేట్‌. చాలా మంచి అటెంప్ట్‌ చేశారు' అని చెప్పారు.
