దర్శకరత్న దాసరి నారాయణరావు జయంతిని పురస్కరించుకుని ప్రసాద్‌ ల్యాబ్‌లో దాసరి ప్రతిభా పురస్కారాల ప్రదానోత్సవ సభ పలువురు సినీ దిగ్గజాల సమక్షంలో అత్యంత వైభవంగా జరిగింది. ఈ వేడుకలో దర్శకుడు కృష్ణవంశీ, హీరో శ్రీకాంత్‌, డాక్టర్‌ బ్రహ్మానందం, నిర్మాత హర్షిత్‌ రెడ్డి, వంశీ రామరాజు, కళా జనార్దన్‌, వైజాగ్‌ డిస్ట్రిబ్యూటర్‌ గౌరీ శంకర్‌, దివాకర్‌, పబ్లిసిటీ డిజైనర్‌ రాంబాబు, వి.ఎఫ్‌.ఎక్స్‌ చందు, సీనియర్‌ ఫిల్మ్ జర్నలిస్ట్స్‌ ప్రభు, ధీరజ అప్పాజీ, కవిరత్న చింతల శ్రీనివాస్‌ తదితరులు దాసరి ప్రతిభా పురస్కారాలు అందుకున్నారు. నిర్మాత తుమ్మలపల్లి రామసత్య నారాయణ, వాసవి ఫిల్మ్ అవార్డ్స్‌ వ్యవస్థాపకులు కొత్త వెంకటేశ్వరరావు, మడిపడిగె రాజు, ముఖ్య సలహాదారులు బండారు సుబ్బారావు. పబ్బతి వెంకట రవి కుమార్‌ సారథ్యంలో జరిగిన ఈ వేడుకలో ఆంధ్ర, తెలంగాణలో పలు రంగాల్లో విశేష కృషి చేసిన ప్రతిభావంతులకు కూడా ఈ పురస్కారాలు ప్రదానం చేశారు.
