'నాంది'తో విజయవంతమైన చిత్రాన్ని అందించిన హీరో అల్లరి నరేష్‌, డైరెక్టర్‌ విజయ్‌ కనకమేడల మరో యూనిక్‌, ఇంటెన్స్‌ మూవీ 'ఉగ్రం'తో వస్తున్నారు. ఈ చిత్రాన్ని షైన్‌ స్క్రీన్స్‌ బ్యానర్‌పై సాహు గారపాటి, హరీష్‌ పెద్ది నిర్మించారు. ఈనెల 5న ఈ సినిమా ప్రేక్షకుల ముందుకు రాబోతున్న నేపథ్యంలో 'ఉగ్రం' ప్రీరిలీజ్‌ ఈవెంట్‌ని గ్రాండ్‌గా నిర్వహించారు. హీరో అల్లరి నరేష్‌ మాట్లాడుతూ,' 'నాంది'కి మించి ఈ సినిమా ఉండాలని చేశాం. ఆ అంచ నాలని అందుకోవడానికి నాతో పాటు విజయ్‌, సిద్‌, అబ్బూరి రవి, శ్రీచరణ్‌ .. అందరూ కష్టపడి పని చేశారు. మా నిర్మాతలు సాహు, హరీష్‌ ఎక్కడా రాజీపడకుండా చేశారు. ఫైట్‌ మాస్టర్స్‌ రామకృష్ణ, పృథ్వీ, వెంకట్‌.. హై ఇంటెన్స్‌ యాక్షన్‌ సీక్వెన్స్‌లు డిజైన్‌ చేశారు. ఇందులో ఆరు ఫైట్లు ఉంటాయి. ఇందులో నటనపరంగా నా ఉగ్ర రూపం చూడబోతున్నారు' అని తెలిపారు. 'నరేష్‌ 'నాంది'తో నన్ను నమ్మేశారు. ఉగ్రంలో యాక్షన్‌ సీక్వెన్స్‌లో ఎక్కడా రాజీపడకుండా చేశారు' అని దర్శకుడు విజయ్‌ కనకమేడల చెప్పారు.
