హీరో ఆశిష్‌, నూతన దర్శకుడు కాశీ విశాల్‌ దర్శకత్వంలో సుకుమార్‌ రైటింగ్స్‌తో కలిసి నిర్మాత దిల్‌ రాజు, శిరీష్‌ శ్రీ వెంకటేశ్వర క్రియేషన్స్‌ సంయుక్తంగా నిర్మిస్తున్న యూత్‌ఫుల్‌ మాస్‌ ఎంటర్‌టైనర్‌ 'సెల్ఫిష్‌'. తాజాగా మేకర్స్‌ ఫస్ట్‌ సింగిల్‌ను లాంచ్‌ చేశారు. ఇది హీరో పాత్ర తాలుకా మరొక కోణం చూపుతుంది. 'దిల్‌ ఖుష్‌' పాటలో కథానాయిక పాత్ర పోషించిన ఇవానాని ఆరాధించే కథానాయకుడి ఆనందాన్ని ప్రజెంట్‌ చేస్తుంది.ఈ సాంగ్‌ లాంచ్‌ ఈవెంట్‌లో నిర్మాత దిల్‌ రాజు మాట్లాడుతూ,''రౌడీ బారు'తో ఆశిష్‌కు మంచి మార్కులు పడ్డాయి. సెల్ఫిష్‌ కథ విన్నప్పుడు ఆశిష్‌కు బావుంటుందనిపించింది. ఈ పాట లిరిక్స్‌ విషయంలో మొదటి నుంచి చాలా పట్టుదలగా వున్నాను. ఇందులో ఇదొక్క పాటే మిక్కీ జే మేయర్‌ చేస్తున్నారు. అనూప్‌ రుబెంస్‌ మరో రెండు పాటలు చేశారు. మరో రెండు పాటలు వేరే సంగీత దర్శకులు చేస్తారు. సినిమాకి సరిపోయేలా కొత్తగా చేయాలని ప్రయత్నిస్తున్నాం' అని తెలిపారు. 'ఈ సినిమా కోసం నేను, దర్శకుడు కాశీ చాలా కష్టపడ్డాం. ఇది మాకు లైఫ్‌ ఇచ్చే సినిమా. ఈ పాట నా కెరీర్‌లో గుర్తుండిపోతుంది' అని హీరో ఆశిష్‌ తెలిపారు. దర్శకుడు విశాల్‌ కాశీ మాట్లాడుతూ, 'క్యారెక్టరైజేషన్‌ సెల్ఫిష్‌ మాస్‌ లవ్‌ స్టొరీ. మీ అందరికీ నచ్చుతుంది. ఆశిష్‌ తన పాత్రని అద్భుతంగా చేస్తున్నారు' అని అన్నారు.
