ప్రస్తుతం కంటెంట్‌ చిత్రాలకు ఎంతటి ఆదరణ ఉందో అందరికీ తెలిసిందే. అటు కమర్షియల్‌ చిత్రాలను ఆదరిస్తూనే, ఇటు ప్రయోగాత్మక చిత్రాలకూ తెలుగు ప్రేక్షకులు పెద్ద పీట వేస్తున్నారు. నూతన దర్శకులు కొత్త కొత్త కాన్సెప్ట్‌లతో ఆడియెన్స్‌ ముందుకు వస్తున్నారు. ఈ తరహాలోనే ఉన్న 'అథర్వ' సినిమా త్వరలోనే ఆడియెన్స్‌ ముందుకు రానుంది.
నూతలపాటి నరసింహం, అనసూయమ్మ సమర్పణలో పెగ్గో ఎంటర్‌టైన్‌మెంట్స్‌ బ్యానర్‌పై కార్తీక్‌ రాజు, సిమ్రాన్‌ చౌదరి, ఐరా నటీ నటులుగా తెరకెక్కుతున్న సినిమా 'అథర్వ'. డిఫరెంట్‌ కాన్సెప్ట్‌ని టచ్‌ చేస్తూ క్రైమ్‌ థ్రిల్లర్‌ మూవీగా రూపొందుతున్న ఈ సినిమాకు మహేష్‌ రెడ్డి దర్శకత్వం వహిస్తున్నారు. సుభాష్‌ నూతలపాటి నిర్మాణ బాధ్యతలు చేపట్టారు. విజయ, ఝాన్సీ ఎగ్జిక్యూటీవ్‌ ప్రొడ్యూసర్స్‌గా వ్యవహరిస్తున్న ఈ సినిమా పోస్ట్‌ ప్రొడక్షన్‌ కార్యక్రమాలు ప్రస్తుతం చివరి దశలో ఉన్నాయి. ఇప్పటికే విడుదల చేసిన టైటిల్‌ లోగో, మోషన్‌ పోస్టర్‌, టీజర్‌, ఫస్ట్‌ లుక్‌.. ఇలా అన్నింటికి మంచి రెస్పాన్స్‌ వచ్చింది. తెలుగు, తమిళ, కన్నడ, మలయాళ భాషల్లో ప్రపంచ వ్యాప్తంగా రాబోతోన్న ఈ మూవీకి సంబంధించిన అప్డేట్‌ను మేకర్లు తాజాగా అనౌన్స్‌ చేశారు. ఈ సినిమా పోస్ట్‌ ప్రొడక్షన్‌ కార్యక్రమాలు ప్రస్తుతం చివరి దశలో ఉన్నాయని, ఈ సినిమాను జూన్‌లో పెద్ద ఎత్తున రిలీజ్‌ చేసేందుకు సన్నాహాలు చేస్తున్నామని దర్శక నిర్మాతలు ఈ అనౌన్స్‌మెంట్‌లో తెలిపారు.
