ఛార్మి ముఖ్య పాత్రధారిణిగా జెన్‌ నెక్ట్స్‌ మూవీస్‌ బ్యానర్‌పై తెరకెక్కించిన 'మంత్ర' సినిమా పెద్ద సెన్సెషనల్‌ హిట్‌గా నిలించింది. ఇదే బ్యానర్‌లో అనుపమ పరమేశ్వరన్‌తో 'బటర్‌ ఫ్లై' చిత్రాన్ని నిర్మించి మరో విజయాన్ని అందుకుంది. ఇదే బ్యానర్‌పై మంత్ర సినిమా రచయిత రవి ప్రకాశ్‌ బోడపాటి నూతన దర్శకత్వంలో తెరకెక్కిన థ్రిల్లర్‌.. 'ది స్టోరి ఆఫ్‌ ఏ బ్యూటిఫుల్‌ గర్ల్‌'. ఈ సినిమా ఈనెల12న ప్రపంచవ్యాప్తంగా రిలయన్స్‌ సంస్థ ద్వారా విడుదలకు రెడీ అయ్యింది. రవి ప్రకాష్‌ బోడపాటి రచన-దర్శకత్వంలో ప్రసాద్‌ తిరువల్లూరి, పుష్యమి ధవళేశ్వరపులు సంయుక్తంగా నిర్మిస్తున్న చిత్రంలో నిహాల్‌ కోదాటి హీరోగా, దృషికా చందర్‌ హీరోయిన్‌గా నటించారు.
మధునందన్‌, భార్గవ పోలుదాసు, భావన దుర్గం, సమర్థ యుగ్‌ అలాగే ప్రముఖ జర్నలిస్ట్‌ దేవి నాగావల్లీ, మెహెర్‌ శ్రీరామ్‌ తదితరులు ముఖ్య పాత్రలను పోషించారు. చాలా వైవిధ్యమైన కథతో నేటితరం యువతకు నచ్చేలా ఈ సినిమాను తెరకెక్కించామని, యువతకు కావల్సిన అన్ని అంశాలతో పాటు ఓ మంచి సందేశం కూడా ఈ సినిమాలో ఉంటుందని మేకర్స్‌ తెలిపారు. నాన్నకు ప్రేమతో, సీతారామమ్‌ వంటి సినిమాలను విడుదల చేసిన ప్రతిష్టాత్మకమైన రిలయన్స్‌ ఎంటర్‌ టైన్మెంట్‌' సంస్థకి ఈ సినిమా ఎంతగానో నచ్చి.. ప్రపంచవ్యాప్తంగా రిలీజ్‌ చేస్తుండటం సంతోషంగా ఉందని మేకర్స్‌ తెలిపారు.
