కమల్‌ హాసన్‌, సోనీ పిక్చర్స్‌ ఇంటర్నేషనల్‌ ప్రొడక్షన్స్‌ సమర్పణలో శివకార్తికేయన్‌, సాయి పల్లవి జంటగా రూపొందనున్న సినిమా కాశ్మీర్‌లో గ్రాండ్‌గా ప్రారంభమైంది.
దీనికి రాజ్‌కుమార్‌ పెరియసామి దర్శకత్వం వహిస్తున్నారు. ఆర్‌. మహేంద్రన్‌ నిర్మిస్తున్నారు. కమల్‌ హాసన్‌ రాజ్‌ కమల్‌ ఫిల్మ్స్‌ ఇంటర్నేషనల్‌, సోనీ పిక్చర్స్‌ ఇంటర్నేషనల్‌ ప్రొడక్షన్స్‌ కలయికలో ఈ చిత్ర అనౌన్స్‌మెంట్‌ నుండి సందడి నెలకొంది. 'మేజర్‌' లాంటి విజయవంతమైన చిత్రంతో తెలుగులోకి అడుగుపెట్టిన సోనీ పిక్చర్స్‌ ఇంటర్నేషనల్‌ ప్రొడక్షన్స్‌ మరోసారి దేశం గర్వించే వీరుల కథతో పంచవ్యాప్తంగా ప్రేక్షకులను అలరిస్తుందని భరోసా ఇస్తోంది. 'గట్స్‌ అండ్‌ గోర్‌' దేశభక్తి కథాంశంతో రూపొందనున్న చిత్రమిది. ఈ సినిమా షూటింగ్‌ శుక్రవారం నుంచి కాశ్మీర్‌లోని అద్భుతమైన లొకేషన్లలో రెండు నెలల షెడ్యూల్‌ జరుగనుంది.