అక్కినేని నాగ చైతన్య, వెంకట్‌ ప్రభు కాంబినేషన్‌లో రూపొందుతున్న తెలుగు-తమిళ ద్విభాషా చిత్రం 'కస్టడీ'. ఈనెల 12న ప్రపంచవ్యాప్తంగా ఈ సినిమా గ్రాండ్‌ రిలీజ్‌కు సిద్ధమవుతోంది. ఈ నేపథ్యంలో ఈ చిత్ర ప్రచార కార్యక్రమాలు జోరుగా సాగుతున్నాయి. టీజర్‌, పాటలు ప్రోమోలు మంచి అంచనాలను నెలకొల్పాయి. శుక్రవారం ఈ చిత్ర థియేట్రికల్‌ ట్రైలర్‌ను మేకర్స్‌ లాంచ్‌ చేశారు.
ట్రైలర్‌ సినిమా కథాంశంపై క్యురియాసిటీని పెంచుతోంది. హీరో, విలన్‌ని రక్షించడం, అతనిని చనిపోనివ్వకుండా చేయడం కథాంశం యూనిక్‌గా, ఉత్కంఠభరితంగా ఉంది. నాగ చైతన్య చట్టానికి కట్టుబడి ఉండే కానిస్టేబుల్‌గా కనిపించారు. అతని ప్రేమ సమస్యలో ఉంది. ప్రేమించిన అమ్మాయి మరొక వ్యక్తితో బలవంతంగా పెళ్లి చేయిస్తున్నారు. ఒక నేరస్థుడిని కోర్టు ముందు హాజరుపరిచే వరకు తన ప్రత్యర్థుల నుండి కాపాడవలసిన బాధ్యత హీరోపై ఉంది. సమాజంలో శక్తివంతమైన వ్యక్తులపై పోరాడే అండర్‌ డాగ్‌ పాత్రలో నాగ చైతన్య నటించారు. ఇది ఆయనకు టైలర్‌ మేడ్‌ క్యారెక్టర్‌. కృతి శెట్టి కథానాయికగా నటిస్తుండగా, అరవింద్‌ స్వామి, శరత్‌ కుమార్‌, ప్రియమణి ముఖ్య పాత్రల్లో కనిపించారు. థ్రిల్లర్స్‌ విషయంలో వెంకట్‌ ప్రభు మాస్టర్‌. కస్టడీ ట్రైలర్‌ ఆకట్టుకునేలా ఉంది. శ్రీనివాసా సిల్వర్‌ స్క్రీన్‌ బ్యానర్‌పై భారీ ఎత్తున నిర్మాణ విలువలు, సాంకేతిక ప్రమాణాలతో ఈ సినిమా తెరకెక్కుతోంది. ప్రొడక్షన్‌ డిజైన్‌ అత్యున్నతంగా ఉంది. ఈ ప్రతిష్టాత్మక ప్రాజెక్ట్‌ని పవన్‌కుమార్‌ సమర్పిస్తున్నారు.
ఎస్‌ఆర్‌ కతీర్‌ కెమెరా పనితనం బ్రిలియంట్‌గా వుంది. ఇళయరాజా, ఆయన కుమారుడు యువన్‌ శంకర్‌ రాజా అందించిన బ్యాక్‌గ్రౌండ్‌ స్కోర్‌ బిగ్గెస్ట్‌ ఎస్సెట్‌. వెంకట్‌ రాజన్‌ ఎడిటింగ్‌ ప్రత్యేకంగా చెప్పుకోవాలి అని చిత్ర బృందం తెలిపింది. ఈనెల 12న విడుదల కానున్న ఈ చిత్రానికి రాజీవ్‌ ప్రొడక్షన్‌ డిజైనర్‌, డివై సత్యనారాయణ ఆర్ట్‌ డైరెక్టర్‌. అరవింద్‌ స్వామి, ప్రియమణి, శరత్‌ కుమార్‌, సంపత్‌ రాజ్‌, ప్రేమి అమరేన్‌, వెన్నెల కిషోర్‌, ప్రేమి విశ్వనాథ్‌ తదితరులు నటించిన ఈ చిత్రానికి సినిమాటోగ్రాఫర్‌: ఎస్‌ఆర్‌ కతీర్‌, ఎడిటర్‌: వెంకట్‌ రాజన్‌, డైలాగ్స్‌: అబ్బూరి రవి, ప్రొడక్షన్‌ డిజైనర్‌: రాజీవ్‌, యాక్షన్‌: స్టన్‌ శివ, మహేష్‌ మాథ్యూ, ఆర్ట్‌ డైరెక్టర్‌: డివై సత్యనారాయణ.
