ప్రముఖ హాస్య నటుడు పృథ్వీ డైరెక్టర్‌గా మారుతూ, తన కూతురు హీరోయిన్‌గా 'కొత్త రంగుల ప్రపంచం' అనే చిత్రాన్ని తెరకెక్కిస్తున్నారు. క్రాంతి హీరోగా నటిస్తుండగా, పృధ్వీ కూతురు శ్రీలు హీరోయిన్‌గా నటిస్తోంది. శ్రీ పిఆర్‌ మూవీస్‌ బ్యానర్‌పై పద్మ రేఖ, గుంటక శ్రీనివాస్‌ రెడ్డి, కుర్రి కృష్ణా రెడ్డి కలిసి నిర్మిస్తున్నారు. ఈ సినిమా విడుదలకు సిద్దమైన సందర్బంగా నాగబాబు ఈ చిత్ర టీజర్‌ను విడుదల చేశారు. చిత్ర నిర్మాతలు పద్మ రేఖ,గుంటక శ్రీనివాస్‌ రెడ్డి, కుర్రి కృష్ణా రెడ్డి మాట్లాడుతూ,'పృద్వి చెప్పిన కథ నచ్చడంతో ఈ సినిమా చేశాం. మంచి కాన్సెప్ట్‌తో తీసిన మా చిత్ర టీజర్‌ను విడుదల చేసిన నాగబాబుకు ధన్యవాదాలు' అని తెలిపారు.'ఓ మంచి సినిమా ద్వారా వస్తున్న మా అందర్నీ ప్రేక్షకులు ఆదరించి, ఆశీర్వదించాలని కోరుకుంటున్నాను. మా సినిమా చూసిన అందరికీ తప్పకుండా నచ్చుతుంది' అని నటుడు, దర్శకుడు పృథ్వీరాజ్‌ అన్నారు.
