ప్రభాస్‌ రాముడిగా ఓమ్‌ రౌత్‌ దర్శకత్వంలో రూపొందుతున్న 'ఆది పురుష్‌' చిత్ర ట్రైలర్‌ ఈనెల 9న గ్లోబల్‌ ట్రైలర్‌ లాంచ్‌తో చరిత్ర సృష్టించడానికి సిద్ధంగా ఉంది. ఈ ట్రైలర్‌ లాంచ్‌ని ప్రకటిస్తూ, 'ఆదిపురుష్‌' నుంచి ప్రభాస్‌ కొత్త పోస్టర్‌ను మేకర్స్‌ విడుదల చేశారు. ఈ సినిమా ఇప్పటికే ట్రిబెకా ఫెస్టివల్‌లో అంతర్జాతీయ ప్రీమియర్‌కు సెలెక్ట్‌ కావడం ద్వారా ఓ గొప్ప మైల్‌ స్టోన్‌ను సాధించింది. ఇక లేటెస్ట్‌గా ప్రపంచవ్యాప్తంగా ఉన్న ప్రేక్షకుల కోసం అద్భుతమైన ట్రైలర్‌తో రెడీ అయ్యింది. మన దేశంలోనే కాకుండా ప్రపంచవ్యాప్తంగా 70 దేశాలలో ఈ ట్రైలర్‌ను రికార్డ్‌ స్థాయిలో లాంచ్‌ చేయ బోతున్నారు. జూన్‌ 16న ప్రపంచ వ్యాప్తంగా ఈ సినిమా విడుదల కానుంది.