రామ్‌, బోయపాటి శ్రీను కాంబినేషన్‌లో రూపొందుతున్న చిత్రం శరవేగంగా షూటింగ్‌ జరుపుకుంటోంది. ఈ చిత్రంలో అన్ని కమర్షియల్‌ ఎలిమెంట్స్‌తో పాటు యాక్షన్‌, మాస్‌ ఎక్కువగా ఉండ బోతున్నాయి. పవన్‌ కుమార్‌ సమర్పణలో శ్రీనివాసా సిల్వర్‌ స్క్రీన్‌ బ్యానర్‌పై శ్రీనివాస చిట్టూరి భారీ బడ్జెట్‌తో అత్యున్నత సాంకేతిక ప్రమాణాలతో ఈ చిత్రాన్ని నిర్మిస్తున్నారు. తాజాగా ఈ చిత్రానికి సంబంధించిన డబ్బింగ్‌ పనులు ప్రారంభమైయ్యాయి. దీన్ని తెలియజేస్తూ డబ్బింగ్‌ స్టూడియోలో ఉన్న దర్శకుడు బోయపాటి ఫొటోను మేకర్స్‌ రిలీజ్‌ చేశారు. ఇటీవలే విడుదల చేసిన ఈ చిత్ర ఫస్ట్‌లుక్‌కి ట్రెమండస్‌ రెస్పాన్స్‌ వచ్చింది. ఈ మాస్‌ యాక్షన్‌ ఎంటర్‌టైనర్‌లో రామ్‌కు జోడిగా శ్రీలీల నటిస్తోంది. ప్రముఖ పాత్రలలో కొంతమంది ప్రముఖ నటీనటులు కూడా నటిస్తున్నారు. దసరా కానుకగా అక్టోబర్‌ 20న విడుదల కానున్న ఈ చిత్రానికి రచన, దర్శకత్వం: బోయపాటి శ్రీను, నిర్మాత: శ్రీనివాస చిట్టూరి, సంగీతం: ఎస్‌ తమన్‌, డీవోపీ: సంతోష్‌ డిటాకే, ఎడిటింగ్‌: తమ్మిరాజు.
