'దాదాపు అన్ని సినిమాల్లో విలన్‌ని హీరో అంతం చేయడానికి ప్రయత్నిస్తాడు. కానీ 'కస్టడీ'లో మాత్రం విలన్‌ని హీరో కాపాడటానికి ప్రయత్నిస్తాడు. ఇది చాలా ఆసక్తికరంగా ఉంటుంది' అని కథానాయిక కృతిశెట్టి అన్నారు. నాగ చైతన్య, వెంకట్‌ ప్రభు కాంబోలో తెలుగు-తమిళ ద్విభాషా ప్రాజెక్ట్‌గా వస్తున్న చిత్రం 'కస్టడీ'. కృతి శెట్టి కథానాయిక. శ్రీనివాసా సిల్వర్‌ స్క్రీన్‌ బ్యానర్‌ పై ఈ ప్రాజెక్ట్‌ని పవన్‌కుమార్‌ సమర్పిస్తుండగా, శ్రీనివాస చిట్టూరి నిర్మిస్తున్నారు. ఈనెల 12న సినిమా విడుదల కాబోతున్న నేపథ్యంలో నాయిక కృతిశెట్టి మీడియాతో పలు విశేషాలను షేర్‌ చేసుకున్నారు.
'దాదాపు అన్నీ సినిమాల్లో విలన్‌ని హీరో అంతం చేయడానికి ప్రయత్నిస్తాడు. కానీ ఇందులలో మాత్రం విలన్‌ని హీరో కాపాడటానికి ప్రయత్నిస్తాడు. ఆద్యంతం ఇది ఆసక్తికరంగా ఉంటుంది. ఈ కథలో నా పాత్రకు చాలా ప్రాధన్యత ఉంది. కథ సీరియస్‌ అవుతున్నప్పుడు నా పాత్ర దాన్ని బ్యాలెన్స్‌ చేస్తుంది. స్క్రీన్‌ప్లేతో నా పాత్ర ప్రయాణిస్తూ ఉండటమే కాకుండా నటనకు ఆస్కారం వుండే పాత్ర. నా పాత్ర నిడివి కూడా ఎక్కువే. సాధారణంగా సినిమాల కోసం డ్యాన్స్‌ ప్రాక్టీస్‌ చేస్తాం, కానీ ఈ సినిమా కోసం జిమ్నాస్టిక్స్‌ ప్రాక్టీస్‌ చేశాను. ఇది యాక్షన్‌ఎంటర్‌ టైనర్‌. ఈ సినిమా తర్వాత మార్వల్స్‌ స్టూడియో నుంచి నాకు కాల్‌ వస్తుందని వెంకట్‌ ప్రభుతో చెప్పాను (నవ్వుతూ). నా పాత్రలో మంచి ఎమోషన్‌ ఉంటుంది. ఇందులో ఉన్న అండర్‌ వాటర్‌ సీక్వెన్స్‌ అద్భుతంగా ఉంటుంది. దీన్ని చాలా ఎంజాయ్‌ చేస్తూ చేశాం. దాదాపు 15 రోజులు ఆ సీక్వెన్స్‌ చేశాం. ఒక ఐదు రోజుల పాటు కంటిన్యూగా వాటర్‌ లోనే ఉన్నాం. దీని కోసం రెండు రోజులు శిక్షణ తీసుకున్నాం. ఊపిరి తీసుకోకుండా రెండు నిముషాలు పాటు ఉంటేనే ఒక షాట్‌ సాధ్యపడుతుంది. ఒక దశలో నాకు భయం వేసింది. నాగ చైతన్య నా ఫేవరట్‌ నటుడే కాదు వ్యక్తి కూడా. తను చాలా నిజాయితీగా ఉంటారు. ఈ కథలో పాత్రలు చాలా కంఫర్ట్‌ బుల్‌గా ఉండాలి. నేను ఆఫ్‌ స్క్రీన్‌లో చైతో కంఫర్ట్‌ బుల్‌గా ఉంటాను. కాబట్టి ఆన్‌స్క్రీన్‌ కూడా చక్కగా వర్క్‌ అవుట్‌ అయ్యింది. దర్శకుడు వెంకట్‌ ప్రభు చాలా ఫ్రెండ్లీ. నాకు దర్శకత్వం చేయాలనే ఉంది. అయితే అది ఇప్పుడే కాదు. నేను ప్రతి విషయాన్ని క్షుణ్ణంగా పరిశీలిస్తాను. దీనికి సంబంధించి ఇంకా చాలా విషయాలు నేర్చుకోవాలి. అలాగే ఏ భాషలోనైనా నటించటానికి రెడీగా ఉన్నాను. అయితే కథ మాత్రం తప్పనిసరిగా నచ్చాలి. ప్రస్తుతం శర్వానంద్‌తో ఓ సినిమా చేస్తున్నా. అలాగే ఓ మలయాళం సినిమాతోపాటు ఇంకొన్ని ప్రాజెక్ట్స్‌ గురించి మేకర్స్‌ త్వరలోనే అనౌన్స్‌ చేస్తారు.
