డ్రీమ్‌ వారియర్‌ పిక్చర్స్‌ మరో యూనిక్‌ కథతో, ఐశ్వర్య రాజేష్‌ ప్రధాన పాత్రలో 'ఫర్హానా' సినిమాతో ప్రేక్షకుల ముందుకు రాబోతుంది. నెల్సన్‌ వెంకటేశన్‌ దర్శకుడు. ఈనెల 12న సినిమా రిలీజ్‌ అవుతోంది.ఈ సందర్భంగా హీరోయిన్‌ ఐశ్వర్య రాజేష్‌ మాట్లాడుతూ, 'ఇది నాకు చాలా స్పెషల్‌ మూవీ. ఒక ఫిమేల్‌ సెంట్రిక్‌ ఫిల్మ్ తెలుగు, హిందీ, తమిళభాషల్లో విడుదల కావడం పెద్ద విషయం. నెల్సన్‌ గత చిత్రాల మాదిరిగానే ఇదికూడా యూనిక్‌గా, భిన్నంగా ఉంటుంది. నాకు సవాల్‌గా నిలిచిన పాత్రను ఇందులో చేశాను' అని తెలిపారు. ''ఫర్హానా' మంచి కంటెంట్‌ ఉన్న చిత్రం. ఐశ్వర్య రాజేష్‌ అద్భుతంగా నటించింది' అని దర్శకుడు నెల్సన్‌ అన్నారు. నిర్మాత ఎస్‌ఆర్‌ ప్రభు మాట్లాడుతూ,' ఇది ప్రపంచవ్యాప్తంగా ప్రేక్షకులు చూడదగ్గ సినిమా. ఫైనల్‌ కాపీ చూసి ఈ సినిమా చేసినందుకు చాలా గర్వంగా ఫీలయ్యాను' అని చెప్పారు.
