బొమ్మదేవర శ్రీదేవి సమర్పణలో సాయిరత్న క్రియేషన్స్‌ పతాకంపై తేజ్‌ బొమ్మదేవర, రిషిక లోక్రే జంటగా బొమ్మదేవర రామచంద్రరావు దర్శక, నిర్మాణ సారథ్యంలో ప్రొడక్షన్‌ నెం.2గా తెరకెక్కుతున్న చిత్రం 'మాధవే మధుసూదన'. ఈ చిత్రంలోని రెండవ లిరికల్‌ సాంగ్‌ 'సైయారా.. సైయారా..'ను బ్రహ్మనందం ఆవిష్కరించారు. ఈ సందర్భంగా ఆయన మాట్లాడుతూ, 'పాట చాలా బాగుంది. నేను బాగోక పోతే ఎవ్వరినీ పొగడను. తేజ్‌ బాగా డాన్స్‌ బాగా చేసాడు. రాజు సుందరం కొరియోగ్రఫీ బాగుంది. డైరెక్టర్‌ బొమ్మదేవర రామచంద్రరావు (చంద్ర) ఇంత బాగా డైరెక్షన్‌ చేస్తాడని నేను అనుకోలేదు. మంచి అభిరుచిగల నిర్మాతగా కూడా ఆయన మంచి విజయం సాధించాలి' అని అన్నారు. 'ఈ పాట ఆదిత్య మ్యూజిక్‌లో ఉంది. మిస్‌ అవకుండా చూడండి. ఈపాటను వైష్ణవి కొవ్వూరి పాడారు. మిగిలిన పాటలు త్వరలో రిలీజ్‌ చేస్తాం. వికాస్‌ బాడిస అందించిన సంగీతం, వాసు సినిమాటోగ్రఫీ, ఉద్దవ్‌ ఎస్‌బి ఎడిటింగ్‌ సినిమాకి బాగా ప్లస్ అవుతాయి' అని దర్శక, నిర్మాత బొమ్మదేవర రామచంద్ర రావు తెలిపారు.
