నాగ చైతన్య, వెంకట్‌ ప్రభు కాంబోలో వస్తున్న తెలుగు-తమిళ ద్విభాషా ప్రాజెక్ట్‌ 'కస్టడీ'. కృతి శెట్టి కథానాయికగా నటిస్తోంది. శ్రీనివాసా సిల్వర్‌ స్క్రీన్‌ బ్యానర్‌ పై పవన్‌ కుమార్‌ సమర్పిస్తుండగా, శ్రీనివాస చిట్టూరి నిర్మించారు. ఈనెల 12న సినిమా విడుదల కాబోతున్న నేపథ్యంలో ఈ చిత్ర ప్రీరిలీజ్‌ ఈవెంట్‌ని గ్రాండ్‌గా నిర్వహించారు. హీరో నాగచైతన్య మాట్లాడుతూ, 'కస్టడీ కథ వెంకట్‌ ప్రభు చెప్పినప్పుడు లేచి ఆయన్ని గట్టిగా హగ్‌ చేసుకున్నాను. నాకు అంత ఎగ్జైట్‌మెంట్‌ ఇచ్చింది. అలాగే ఎడిటింగ్‌ రూమ్‌లో చూసినప్పుడు కూడా అదే ఎగ్జైట్‌మెంట్‌ ఇచ్చింది. నిర్మాతలు శ్రీనివాస్‌ చిట్టూరి, పవన్‌ ఈ సినిమాని నెక్స్ట్‌ లెవల్‌లో కూర్చోబెట్టారు. నా కెరీర్‌లో మోస్ట్‌ ఎక్స్‌పెన్సీవ్‌ మూవీ ఇది. అరవింద్‌ స్వామి ఈ కథకి ఓకే చెప్పడంతో మా అందరికీ చాలా కాన్ఫిడెన్స్‌ వచ్చింది. ఈ చిత్రంతో కృతి శెట్టి కెరీర్‌ మరో స్థాయికి వెళుతుందని నమ్ముతున్నాను. సినిమా మొదటి ఇరవై నిమిషాలు కూల్‌గా వెళుతుంది. ఇంటర్వెల్‌కి ముందు నుంచి థియేటర్‌లో బ్లాస్ట్‌ అవుతుంది. అద్భుతమైన యాక్షన్స్‌ సీక్వెన్స్‌లు ఉంటాయి. మీరు కొత్త చైని చూడబోతున్నారు' అని తెలిపారు. 'కస్టడీలో స్టైల్‌, యాక్షన్‌, ఫెర్‌ఫార్మెన్స్‌, సెంటిమెంట్‌, మాస్‌ ఇలా అన్నీ ఉన్నాయి. కస్టడీ నా కెరీర్‌లోనే భారీ చిత్రం. ఈ సినిమా చూసినప్పుడు తప్పకుండా సర్‌ప్రైజ్‌ అవుతారు' అని దర్శకుడు వెంకట్‌ ప్రభు చెప్పారు.
