జాతీయ అవార్డు దర్శకుడు నీలకంఠ నుంచి మరో ఆసక్తికర సినిమా రాబోతోంది. గతంలో 'షో' అనే ఫీచర్‌ ఫిల్మ్‌తో బెస్ట్‌ ఫీచర్‌ ఫిల్మ్, బెస్ట్‌ స్క్రీన్‌ ప్లే విభాగాల్లో రెండు జాతీయ అవార్డులు, అలాగే 'విరోధి', 'షో' చిత్రాలు ఇండియన్‌ పనోరమలో కూడా సెలెక్ట్‌ అయ్యాయి. అలాగే కమర్షియల్‌ సక్సెస్‌తో పాటు విమర్శకుల ప్రశంసలు కూడా అందుకున్న 'మిస్సమ్మ', 'సదా మీ సేవలో' వంటి చిత్రాలతోనూ ఆయన ఆకట్టుకున్నారు. కొంత గ్యాప్‌ తర్వాత ఇప్పుడు మరోసారి 'సర్కిల్‌' అనే చిత్రంతో ఆయన వస్తున్నారు. ఈ చిత్రానికి ఎవరు, ఎప్పుడు, ఎందుకు శత్రువులవుతారో..
అనే ట్యాగ్‌ లైన్‌ అందర్నీ ఆకట్టు కుంటోంది. తాజాగా ఈ చిత్ర టైటిల్‌తో పాటు మోషన్‌ పోస్టర్‌ను కూడా విడుదల చేశారు. ఇది మరోసారి నీలకంఠ తరహాలోనే సాగే వైవిధ్యమైన సినిమాగా కనిపిస్తోందని, అలాగేచిత్ర తారాగణం సైతం ఆసక్తికరంగానే ఉందని మోషన్‌ పోస్టర్‌ చెప్పకనే చెప్పింది..ఆరా ప్రొడక్షన్స్‌ బ్యానర్‌ పై రూపొందుతున్న ఈ చిత్రంలో సాయి రోనక్‌, బాబా భాస్కర్‌, అర్షిణ్‌ మెహతా, రిచా పనై, నైనా, పార్థవ సత్య తదితరులు నటిస్తున్నారు. ఈ చిత్రానికి నిర్మాతలు : ఎమ్‌.వి శరత్‌ చంద్ర, టి సుమలత అన్నిత్‌ రెడ్డి, వేణుబాబు అడ్డగడ, రచన, దర్శకత్వం : నీలకంఠ.
