లైకా ప్రొడక్షన్స్‌ నిర్మాణంలో రానున్న మరో క్రేజీ ప్రాజెక్ట్‌ 'లాల్‌ సలాం'. ఐశ్వర్య రజినీకాంత్‌ దర్శకత్వంలో ఈ సినిమా తెరకెక్కుతోంది. విష్ణు విశాల్‌, విక్రాంత్‌ హీరోలుగా నటిస్తోన్న సినిమా షూటింగ్‌ శరవేగంగా జరుగుతోంది. ఈ చిత్రంలో రజినీకాంత్‌ కీలక పాత్రను పోషిస్తున్నారనే సంగతి తెలిసిందే.
ఈ చిత్రంలో పోషిస్తోన్న 'మొయిద్దీన్‌ భాయ్‌' క్యారెక్టర్‌కు సంబంధించిన రజనీకాంత్‌ ఫస్ట్‌ లుక్‌ను చిత్ర యూనిట్‌ విడుదల చేసింది.
ఈ మాస్‌ గెటప్‌ ఓ రేంజ్‌లో ఉంది. 'బాషా'లో మాణిక్‌ బాషాగా అలరించిన ఆయన ఇప్పుడు మొయిద్దీన్‌ భాయ్‌గా మెప్పించ బోతున్నారు. ఈ సందర్భంగా లైకా ప్రతినిధులు మాట్లాడుతూ, 'రజనీ మొయిద్దీన్‌ భాయ్‌ అనే పవర్‌ఫుల్‌ రోల్‌లో కనిపించబోతున్నారు. ఆయన తనదైన స్టైల్‌లో రాకింగ్‌ పెర్ఫామెన్స్‌తో ఈ చిత్రంలోనూ ఆడియెన్స్‌ను ఆకట్టుకుంటారనటంలో సందేహం లేదు' అని తెలిపారు. ఈ చిత్రాన్ని ఆస్కార్‌ విజేత ఏ.ఆర్‌.రెహ్మాన్‌ సంగీతాన్ని సమకూరుస్తున్నారు.
